2007年903播放率統計(Week 1-40)

(播放率數據來源:Coolman Forum)

陳奕迅、李克勤、張敬軒、孫耀威、王菀之、謝安琪…實力超群陣容鼎盛的環球兵團…
黃家強、潘瑋柏、薩頂頂、小池徹平、Mika、KanYeWest、Amy Winehouse…舖天蓋地的環球唱片903廣告時段…
有甚麼啟示呢?

叱吒二十周年,除了有甚麼突破性的賽果之外,最令人期待的,應該是闊別兩年,今年回歸司儀席位的林海峰,會有甚麼精湛演出吧。

我最喜愛獎項預測,還是假設沿用去年my903投票機制,不過這個獎項今年最佳指標「叱吒正在普選」淪為「森美自動當選」之後,實在有理由懷疑商台會為免尷尬改變投票制度。

叱吒十大:
1. 李克勤《花落誰家》(236)
2. 張敬軒《酷愛》(230)
2. 古巨基《愛回家》(230)
4. 許志安《前程錦繡》(222)
5. 何韻詩《木紋》(221)
6. 張學友《好久不見》(219)
7. 鄧麗欣《電燈膽》(209)
8. 吳雨霏《逼得太緊》(204)
9. 草蜢《Forever》(202)
10. 陳奕迅《Crying In The Party》(201)
11. 容祖兒《愛一個上一課》(196)
12. 謝安琪《節外生枝》(180)
13. 張繼聰《寧願晏D瞓》(178)
14. 溫拿《33轉》(177)
15. 楊千嬅《化》(174)
《酷愛》《木紋》《愛回家》以及《Crying In The Party》一如所料先後挺進十大(請參照30週的預測),估不到的是播放率高得驚人,後者更是玩完「鋤大D」(連續四週第二嘛)之後第41週預期登上冠軍(四條Dee加隻煙,玩晒啦),就是說數字上很大機會取代《花落誰家》成為至尊,不過環保終歸是商台今年主題,李克勤拿至尊比陳奕迅造成更多話題,填詞的林若寧身為商台要員也是填詞新貴,大好上位機會不該浪費,實在有太多理由捧《花落誰家》成為至尊,所以大膽估計只要《Crying In The Party》埋單不過250,至尊仍是《花落誰家》。
在叫糊的還有謝安琪《3/8》(154)和EO2《舞林群英》(151),至41週還未有落榜跡象,《3/8》相信很大機會有冠軍,即是入十大機會甚高,《舞林群英》不能忽視打進十大機會,就看商台是否想有十大有首快歌了。
連谷幾首歌過200,加上《逼得太緊》冠軍後留四星期才走的不尋常事件,似乎預告眾矢之的鄧麗欣《電燈膽》會被逼出十大。草蜢《Forever》到年尾已經沒甚麼人記得,相信也會被擠掉。不過,仍然認為張學友《好久不見》會有十大,無論他來不來。
最後懸念是容祖兒,《愛一個上一課》數字上已出局,新歌《零時零分》我不認為有取而代之的能力,不過始終不能排除再次動用「《一拍兩散》條款」的可能性,哈。餘下的,一來不夠時間追(陳奕迅的例子不多呢),二來也沒有甚麼人需要交代,看來形勢大定。
我最喜愛的歌曲,今年實在太缺乏可比《夕陽無限好》《愛得太遲》的大熱作品了,按照坊間評價以及「鈴聲指數」,張敬軒《酷愛》贏面最大,最強對手吳雨霏《逼得太緊》。
預測得獎:
(叱吒十大,順序)花落誰家、Crying In The Party、愛回家、酷愛、好久不見、前程錦鏽、3/8、木紋、逼得太緊、愛一個上一課
(我最喜愛)酷愛


男歌手:
1. 陳奕迅 (609) 冠軍:黑擇明、月球上的人、淘汰
2. 張敬軒 (473) 冠軍:酷愛
3. 古巨基 (435) 冠軍:錢錢錢錢、愛回家
4. 李克勤 (390) 冠軍:公主太子、花落誰家、紙婚
5. 側田 (277) 冠軍:山歌、一句
6. 許志安 (267) 冠軍:前程錦鏽
7. 張繼聰 (249) 冠軍:寧願晏D瞓
8. 張學友 (246) 冠軍:好久不見
9. Eric Kwok (217) 冠軍:應承
10. 孫耀威 (206) 冠軍:自愛
男新人:
1. Oscar (143)
2. 洪卓立 (109)
3. 小肥 (97)
其他:周柏豪(63)、陳柏宇(41)、王友良(10)、林威辰(7)
《Crying In The Party》狂谷,陳奕迅已穩勝;《巴西女子隊》完全沒有播的意思,李克勤三甲無望,後面的更不用說。換言之唯一焦點在銀獎是張敬軒還是古巨基。兩者差不多同期出碟也到了第二plug,古巨基《愛回家》落榜在即而張敬軒《迷失表參道》還在榜,預期現在38次的播放率差距還會擴大,相信軒仔看高一線。我最喜愛的預測和上次一樣。
男新人方面,以商台取態計Oscar贏了九成,口碑民望銷量K場皆勝的陳柏宇似乎會藉著年尾加把勁谷一下,可以收復失地入三甲。
預測得獎:
男歌手 金:陳奕迅 銀:張敬軒 銅:古巨基
男新人 金:Oscar 銀:洪卓立 銅:陳柏宇
我最喜愛預測五強(順序):陳奕迅 古巨基 張敬軒 李克勤 張繼聰


女歌手:
1. 容祖兒 (523) 冠軍:心花怒放、愛一個上一課、逃
2. 謝安琪 (457) 冠軍:節外生枝
3. 何韻詩 (440.5) 冠軍:第三身、木紋
4. 王菀之 (434) 冠軍:(巴黎沒有)摩天輪、真心話
5. 楊千嬅 (330) 冠軍:化
6. 吳雨霏 (296) 冠軍:山歌、逼得太緊
7. 鄧麗欣 (257) 冠軍:電燈膽
8. 泳兒 (253) 冠軍:黛玉笑了
9. 薛凱琪 (235) 冠軍:樓梯轉角
10. 鄭融 (225) 冠軍:東京百貨
女新人:
1. 鍾舒漫 (136)
2. 李卓庭 (52)
3. 梁雨恩 (45)
其他:江若琳(25)、謝文雅(11)、萱寧(7)
容祖兒挾著今年的「903勤工獎」(拉闊、饑饉、森小歌劇團、還有年底的十年音樂會),領先約70次兼尚未發片,《零時零分》除非是第二首《集體回憶》,其他歌手相信難越雷池半步,預期可以和陳奕迅一起以勝利姿態打破「七年魔咒」。
王菀之新國語歌遲遲未出場,加上揮之不去的續約問題,再加上唱作人金獎已執大半個盃耳(我認為這不應該是拿不到女歌手獎的理由,不過…唉),相信四強之中犧牲的還是她。餘下銀獎誰屬?稍看好謝安琪,不要問我為甚麼。
我最喜愛,楊千嬅轉投老黎之後認真不「老黎」,加上令人失望的《Meridian》,似乎難再發揮「同情票」威力三連冠。估計最後是何韻詩的「義氣票」大戰謝安琪的「改朝換代票」,不過何韻詩素來沒有甚麼大獎運,可能繼05、06之後再一次飲恨。相信典型的衛蘭歌迷一不理胃腩再現,二不理八卦雜誌,所以堅持估容祖兒五強不入。
女新人方面,現時的排名是最終的話總算令人滿意。李卓庭雖是新寵,但不信她會後來居上打敗鍾舒漫。
預測得獎:
女歌手 金:容祖兒 銀:謝安琪 銅:何韻詩
女新人 金:鍾舒漫 銀:李卓庭 銅:梁雨恩
我最喜愛預測五強(順序):謝安琪 何韻詩 楊千嬅 王菀之 衛蘭


組合:
1. 森美移動 (238)
2. 草蜢 (209.5) 冠軍:Forever
3. EO2 (207.5)
4. Zarahn (205)
5. 溫拿 (177) 冠軍:33轉
6. Twins (156.5) 冠軍:愛情突擊
7. I Love You Boyz (126)
8. 農夫 (114)
9. 五月天 (98)
10. at17 (82)
新組合:
1. 森美移動 (238)
2. Hot Cha (78)
3. V (52)
其他:Rubber Band(23)、朱凌凌(20)、Kolor(16)
形勢最不明朗要算組合。四個字:一味靠估。先分享一個數據:組合雖然沒有「七年魔咒」,但原來歷史上組合最長也只能連續六年打入三甲(草蜢90-95、Beyond 94-99),Twins由01年出道至06年,每年都入三甲剛好也是六年,今年是否改朝換代的一年呢?要看商台取態了。
at17遲遲未有新作,似乎等同自動棄權,可惜。EO2《舞林群英》和Zarahn《怪誕城之夜》到41週還在榜上,加上之後的派台歌,年底前超越領先的森美移動應該不成問題。農夫今年的出力程度可謂僅次於容祖兒,加上支持度繼續冒升和《風生水起》的新鮮感,客觀預測或個人意願都認為好應該有個三甲。
我最喜愛形勢同樣不明朗,關鍵是at17和I Love You Boyz都會在年底發力(前者國語碟加音樂遊擊,後者12月也會開show),現時難以估計可以爭取到幾多支持。所以雖然相信五強還是那五隊,排名大可不必深究。留意,千萬不能忽視農夫。
新組合總覺得森美說不拿獎不代表其餘三人不能拿,加上沒有了他們新組合場面實在慘淡,所以相信金獎還是森美移動。估朱凌凌有三甲,除了可以因為追過V之外,也可以因為V的專輯未必出得到…
預測得獎:
組合 金:Zarahn 銀:EO2 銅:農夫
新組合 金:森美移動 銀:Hot Cha 銅:朱凌凌
我最喜愛預測五強(順序):森美移動 農夫 at17 Twins I Love You Boyz


作曲人:
1. 張繼聰 (780) 冠軍:寧願晏D瞓、木紋
2. 雷頌德 (493) 冠軍:深愛、錢錢錢錢
3. Eric Kwok (453) 冠軍:應承、花落誰家
4. 王菀之 (434) 冠軍:(巴黎沒有)摩天輪、真心話
5. 陳奐仁 (417) 冠軍:心花怒放、記得我嗎、逃
6. 伍仲衡 (346) 冠軍:公主太子、東京百貨
7. Edward Chan/Charles Lee (320) 冠軍:愛情突擊
8. Jerald (300) 冠軍:山歌
9. 李峻一 (288) 冠軍:電燈膽
10. C.Y. Kong (266) 冠軍:黑擇明、愛到不能
一首《木紋》的播放率已多過雷頌德兩首冠軍總和,加上《陌路》搶分失敗,衛蘭新歌也非雷頌德所作,張繼聰距離這個獎越來越近了。
預測得獎:張繼聰

填詞人:
1. 林夕 (3144) 冠軍:應承、(巴黎沒有)摩天輪、深愛、黑擇明、Forever、愛一個上一課、化、錢錢錢錢、逼得太緊、真心話、酷愛、愛回家
2. 黃偉文 (1720) 冠軍:節外生枝、第三身、樓梯轉角、逃、愛情突擊、紙婚、木紋
3. 林若寧 (1468) 冠軍:愛情萬歲、月球上的人、預言書、前程錦鏽、花落誰家
4. 周耀輝 (747) 冠軍:心花怒放、黛玉笑了
5. 夏至 (579)
6. 陳少琪 (552) 冠軍:公主太子、33轉、東京百貨
7. 李峻一 (466) 冠軍:電燈膽
8. 游思行 (288) 冠軍:愛到不能、自愛
9. 黃仲凱 (230) 冠軍:寧願晏D瞓
10. 易桀齊 (219) 冠軍:好久不見
今年又是等林夕上台多謝佛祖,不過值得一提的是Wyman短短十週拿了四個冠軍,播放率增添逾1000次。
預測得獎:林夕

唱作人:
1. 王菀之 (434) 冠軍:(巴黎沒有)摩天輪、真心話
2. 張繼聰 (249) 冠軍:寧願晏D瞓
3. Eric Kwok (217) 冠軍:應承
4. 側田 (151) 冠軍:一句
5. 曹格 (145)
6. 方大同 (139) 《四人遊》為合唱歌
7. 何韻詩 (110)
8. 林一峰 (108) 《一期一會》為合寫歌
9. 周杰倫 (99) 冠軍:不能說的秘密
10. 黃家強 (85)
張繼聰連續三plug(《Good Luck》、《下世紀的地圖》、《白鳥》)慘死的情況有點似曾相識吧?相信只要方大同派歌不要太遲,仍可看好搭上尾班車。側田用不是自己作的《男人KTV》派台,差不多等如放棄唯一的得獎機會。
預測得獎:金:王菀之 銀:Eric Kwok 銅:方大同

至尊唱片:
1. 吳雨霏《In Control》(380) 冠軍:山歌、逼得太緊
2. 張敬軒《酷愛》(334) 冠軍:酷愛
3. 何韻詩《What Really Matters》(331) 冠軍:木紋
4. 楊千嬅《Meridian》(330) 冠軍:化
5. 古巨基《Moments》(325) 冠軍:錢錢錢錢、愛回家
在十張碟有九張是英文名的情況下,原來自98年有至尊唱片開始,除了陳奕迅之外,所有得獎的唱片都是用中文碟名的(《10號》、《電光幻影》、《我生》),所以純粹捉路也好,坊間銷量評價都好,貼《酷愛》。當然,陳奕迅這陣子這麼霸氣,第一plug已至少有230次,《Listen To Eason Chan》要後來居上也不難。
預測得獎:《酷愛》

最後預測於第50週推出。

留言

匿名說…
今年 903 頒獎禮實悶到抽筋
Unknown說…
其實Hocc的"幽默感"和"木紋"已累績了三百多次的播放率,如叱吒能再支持一下"睡王子"大紅袍" What Really Matters 亦是至尊大碟的大熱呢 !
匿名說…
電燈膽播放率高過逼得太緊喎。

唔知點解903會咁唔buy Jason,反而撐Oscar。
匿名說…
古先今年D歌悶到咁都可以有十大+三甲......903都算做仁至義盡
903可以趁住二十周年大日子黎個改朝換代,俾Kay拎女金、軒仔拎男金、Twins踢出三甲,個頒獎禮肯定高潮迭起。雖然咁樣好似大想頭左D.....
方大同今年有歌都唔好plug住,等出年谷埋一次過拎唱作+男歌手,Ivana忍埋今年出年都應該可以有唱作+女歌手。
匿名說…
何韻詩以推出《What Really Matters》的睡王子作第三首派台歌,的確有機會成為至尊大碟的得獎人。而903多個DJ亦先後在出碟後一星期「未派台先播歌」,可見有一定的氣勢。
匿名說…
陳先生今年份功課交成咁都可以咁好成績
不如比d機會新人上下好過啦

看來
997有劉華「大帝」
903有也有醫「神」

另外, 環球那個下馬威 當然不只是向新城施的..
903應該深明唔識做的話 他朝君體也相同
匿名說…
請問可否評論一下商台助理總經理甘菁菁與環球高級副總裁黃劍濤這對夫妻檔會對今年賽果有何影響?

謝謝!
匿名說…
陳奕迅今年成績好難睇咩?我又唔覺
起碼出黎既歌都keep得好好,商業與個人風格平衡得宜,至少我唔會聽到有d歌想訓(such as 愛回家,聽左幾十次,都仲未感動)
至於其他環球系,商台除左李克勤張敬軒仲有善待邊個?李克勤同張敬軒唔值得囉獎乎?
如果商台係要擔心同997一樣的話,你未免唔太清楚遊戲規則:商台年年獎項數目就係得咁多,要得罪唱片公司真係排住隊去得罪,上年已經令到mani姐黑哂面啦,今年又唔見佢地谷下twins?
余人說…
農夫今年做咗兩場Nokia音樂會,又幫森美頂架勢堂,商台點都要有番d表示啦~~
Holf Yuen說…
其實好簡單,
勁爆E臣輸左半個獎俾基哥環球就發脾四,
去到叱吒輸到足足兩個獎,環球半句聲都冇出過...
匿名說…
會唔會係因為勁爆咁多獎都分唔勻先至唔老黎呀? 幾廿(百)個獎, 是但執多個過佢都無所謂啦.
叱吒話晒都要睇住老婆面色o丫... 仲加上甘小姐係E臣o既舊經理人, 點插得落手呢?
匿名說…
希望ivana拎到女歌手獎...
雖然冇乜可能,,
我唔想joey拎女金
but...
匿名說…
謝安琪首 3/8 在 41 週無冠軍, 宜家仲好似就快落榜咁o既款, 計埋 41 週, ap 得 154 + 35 = 189, 有 D 危 wor...
節外生枝同 3/8 都只能守在 10 大的邊緣... 903 會唔會係諗住俾左個女歌手獎佢, 就唔俾 10 大佢呢?
真的不喜歡這種 "兩個獎只能拿一個" 的安排; kay 係咁, ivana 又係咁...
Holf Yuen說…
yan,

和你的想法一樣

言,

3/8不會十大的了,由隻歌派台第一日起都冇諗過隻歌會冇no.1,唉
兩個獎只能拿一個?睇下姓容的會不會有女金冇十大?
匿名說…
其實Pixel Toy有無機會攞番個奬?
匿名說…
sorry~ 可能我講得唔太好...
其實唔係話eason今年成績好差..
只係覺得佢今年拎住呢幾首歌
都可以咁輕易攞咁多獎
是被over-rated...

情況好似大家都係拎住同一份功課
但你拎A+ 我拎B-咁
難免會令人心灰

呢個情況其實唔係好健康
好多歌手做得好 但拎唔到應有既認同
造成樂壇斷層

好似當年四大天王咁
霸住晒D位
造成當年古巨基 陳曉東 孫耀威 (甚至李克勤)呢D九十年代中期 有潛質既歌手都上唔到位 個個都走左 而家又返黎喇..

既然今年大家份功課都差唔多
點解呢個一直自稱樂壇先鋒 良心既903
唔去加獎下D一直以0黎都被under-rated既歌手 去促進一下呢個咁多瘀血既樂壇呢?

例如至尊歌 citp真係好到咁多個星期亞軍加個冠軍? 李克勤首花落誰家真係冇咁好?

金獎又係唔係值到要俾個三連冠佢呢? 古巨基真係差佢咁多? 同eason爭輸左兩年 手拎住全年播放率第一第二既歌嗰年都輸 今年要降級同張敬軒爭銀獎?

仲有十個禮拜...只希望唔會谷演唱會谷到大碟都俾埋佢... HOCC同HINS隻碟都好好ga..
呢個樂壇唔係陳奕迅唱既先係叫歌ga樂壇先鋒.
Re: Holf Yuen & Carlo,

903同新城又點可相提並論, 環球高層同商台高層的"親密關係"就係人都知啦.

Re: Jason & kin,

而家d播放率都擺明係做個"大碟"獎比"醫生". 人地一家人, 又點輪到阿詩呢?