07叱咤現場第一手真相

第二十年的叱咤頒獎禮,有幸在亞洲國際博覽館目擊。剛巧上一次看現場,就是十年前的事。現在帶大家回到一月一日晚上…

叱咤十大第十位,我聽到司儀提及「甘草歌手」的時候已經開始鼓掌了。07年秋天開始,以親情起動,由電影到歌曲到廣播劇的「東京鐵塔熱」就這樣劃上了漂亮的句號,像有耳非文這種獨立小眾歌手時來運到威番次也可真是叫人鼓舞,只是抱恙的斐斐當晚live有點爛。開心了三分鐘,第九位出現了庸俗不堪的《男人KTV》,這代表了商台肯定和鼓勵側田唱怎樣的歌做怎樣的音樂呢?我只能說兩個字:Bad Taste。接下來是歌如其名《逼得太緊》,舢版充炮艦的金牌實力唱將吳雨霏,唱live比上一年進步了是沒錯,但那些險象環生的「唱功表現」…Mini宣佈四台聯頒大碟是《In Control》的時候我才明白,全場八千幾人同時O嘴是有聲音的。內幕:得到這個獎Paco怎能不多謝新城呢,看最後幾星期《愛過一場》留在勁爆榜甚麼位置就明白了,怎可以叫恩人跪玻璃啊?

頒到第七位才確認,不領獎照頒的制度像八萬五一樣原來早已不存在,要不然怎可能沒有播了220次的《好久不見》呢?第六位是許志安《前程錦鏽》,最值得一提的竟然是當安哥提到監製的at17,現場的歡呼聲之強烈應該是全晚前十名之內的,連我也估不到,07年沒有甚麼成績可言的at17,民望依然高企。

根據網上統計前四名播放率相差不多於7次,理論上一至四名排位難料,結果環球包辦三甲。到古巨基唱《愛回家》時環顧四週,原來現場基迷最多,基牌也最多。拿起望遠鏡一看,幾乎每一區都有幾個「基仔」燈牌。其他歌手?可能全場也只得三幾個。順帶一提,當晚的甚麼大鑼大鼓全部失蹤,真好,不知是出於自律還是真的被查禁了。開場不久我已經問身邊的人「好似唔見李克勤喎…」,原來真的沒有,好在《花落誰家》還有個第三。宣佈完第二,我不懂反應了。《酷愛》「大熱爆冷」至尊歌是全場第一個高潮,軒仔賣力演出,觀眾如痴如醉,服了商台,那三十幾份「商台女員工」名單應該無一份估到《酷愛》張敬軒第一次十大就是至尊吧,女員工們看來還是回去洗廁所吧。唯一不好的是:又是林夕?

朱凌凌得新組合銀,竟然在台上表演脫韁野馬式狂奔加拿起相機自由行式合照,果然是爆笑。宣佈鍾舒漫是女新人銀獎忍不住要「Yes!」一下,這個金獎的榮譽和一首歌的表演時間,對李卓庭這種欠缺資源但實力強橫值得大力扶助的新人更為重要吧,期待中的《手槍與紅玫瑰》比想像中唱得更好,個人認為《手槍與紅玫瑰》的李卓庭更勝《姿色份子》的謝安琪,有更好際遇的話也有機會扶搖直上。洪卓立拿男新人金,我在為陳柏宇無獎暗自咒罵的同時看到未必被攝入鏡頭的一幕,洪的fans拿著「洪卓立」三個大字的燈牌在看台最後一行由台左到台右來回跑,搞笑。

組band唱出唱作人獎項得主這橋段03年也試過,但森美移動的急就章合奏變得章法全無,還是讓首奪金獎的王菀之自彈自唱《你是我最愛的人》吧,正。朱薰E興高采烈地用正音讀出夕爺十年內的47首叱咤十大,怎知因為螢幕的字太小她竟然看不清楚而一再dead air!這些既定名單不是可以用貓紙嗎?張繼聰首奪作曲人大獎固然令人興奮,但更強的是…電影對白有「如果真係要為呢份愛加一個期限的話,我希望係:一萬年!」,頒獎禮致謝詞有「就算時光倒流幾多次,我都會娶你做老婆」,我投降!

組合銅獎是Zarahn,又是「Yes!」的時間,不枉我在這裡推介了足足半年。農夫拿金獎我覺得比拿「我最喜愛」更為重要,因為這代表了一直收聽的商台推動音樂潮流的承擔。看到林海峰宣佈他們得獎時的全場歡呼,唱《全民皆估》時的所有歌手起身手舞足蹈,全場觀眾舉旗附和,馬上回想起04年開始被他們的live吸引,05年第一次買他們的專輯《鄭永芝》,看著他們由《456Wing》開始廣受讚賞等等,今年終於風生水起直達頂峰了,真是振奮人心啊。

謝安琪終於闖進了三甲,希望她新一年唱現場更穩定,不負歌迷這一年半對她的讚譽和體諒。容祖兒拿「女歌手金獎」,傳聞中的粗話在現場聽不到,不過反應非常冷淡是真的。單單因為「又係佢」的沉悶嗎?那為甚麼陳奕迅三連霸男歌手金獎時反應卻差這麼遠?唉,以Joey過去一年的勤力,總該值得些禮節性的掌聲鼓勵吧。

我最喜愛組合,興奮地被我猜中農夫贏到開巷,只希望at17新一年在音樂上有正常一點的進度,那就真是最強對最強了。我最喜愛的女歌手忽然調位押尾,未宣佈已經感受到全場呼喚楊千嬅那種磁場有幾震撼了。現場反應反映出是壓倒性勝利,但我始終無法認同這個水平的歌手是全港樂迷最喜愛。

我最喜愛的歌曲,原來在收音機旁邊的聽眾是要到最後唱票才知道第一輪的十強是甚麼。其實十強在頒獎前一多星期已經選出,應該早一點公佈讓全年十首最受樂迷歡迎的歌得到更多曝光和討論吧。所以在這裡讓十強留名,還有當晚現場的票數:

1. 張敬軒《酷愛》 1740
2. 陳奕迅《Crying In The Party》 1535
3. 古巨基《愛回家》 1032
4. 何韻詩《木紋》 1023
5. 吳雨霏《逼得太緊》 515
6. 楊千嬅《All About Love》 465
7. 謝安琪《節外生枝》 437

8. 容祖兒《愛一個上一課》 347
9. 李克勤《花落誰家》 257
10. 有耳非文《東京鐵塔下GuluGulu》 203

最後一個我最x10喜愛獎項我也等不到要離場了,山長水遠搞還沒有提早開場,主辦單位失策是也。之後看了Moov的轉播,發現除了四五個場面之外,其他的歡呼聲笑聲掌聲幾乎小得聽不見,相信是收音問題。我可以負責任地說,現場的氣氛比錄影看到的好很多,尤其是林海峰talk show那幕。

音樂頒獎禮所代表的,是主辦單位對音樂的取態,可幸今屆賽果大部份都令人滿意,除了陳柏宇的三甲不入和《男人KTV》十大之外。今年真的沉悶了嗎?和往年比又未必是,或者是欠了些煽情位吧,不過大贏家如陳奕迅張敬軒農夫等都不是眼淺之輩。最後還是忍不住慨嘆一下,如果王菀之也有首《酷愛》這樣熱爆的歌就好了…

留言

匿名說…
你負責任的話便不會早走這樣不禮貌. 最不喜歡未完場趕離場的人. 散場安排其實不錯. 不聽EASON唱K歌之王是損失.

容祖兒得獎現場很冷淡不是因為'又是她', 是因為名不副實. 她的歌很悶, 唱得沒感情是真的. 如果商台真的不商業的話, 她便不會有獎.
Bill TSE說…
我喺睇電視0既。首先,我實在唔明翡翠整兩條粉腸上去講埋D無聊嘢有咩意義。睇到Eunix拿金獎真喺好開心,佢唱Live真喺好好,雖然開頭可能由于喊所以有D唔喺好穩定。希望佢唔會好似佢師兄Eugene咁有實力但喺被埋沒。但喺Jason三甲不入真喺好唔應該。另外,網上好似好多鄧走音0既Fans對《電燈膽》無獎好唔忿氣,其實我覺得喺好事……一喺我地唔使聽到比Kary更恐怖0既高音,二喺佢都可以唔使咁辛苦扯高音……
PS:張繼聰0既愛的宣言我真喺只可以寫個服字。電視入面見到連阿Kay隔離0既泳兒(?)都眼濕濕。哈哈。
匿名說…
等你o既"第一手真相"好耐啦
好多人話有耳非文得獎係造馬, 但造馬又如何? 呢個年代仲相信公平公開公正o個個根本係傻仔, 問題係造得令唔令人信服. 在我來講gulugulu絕對係一首值得推介好歌.
我為陳柏宇默哀.
對於組合, 坦白, 我o既歡呼出於twins終於唔再係金, 多於農夫的苦盡甘來.
楊小姐的鐵票, 如佢所講, 係感情積落黎的. 如果佢o既表現可以永遠保持o係07演唱會水準, 相信會有更多人喜愛佢. 話說回頭, 佢o係叱吒十年回歸音樂會o既表現, 令我懷疑到底當日我係咪聽緊楊千嬅o既演唱會.
至於何韻詩, 其實佢係應該得到更多. 主觀又好客觀都好, what really matters唔會差得過listen to eason chan. 我始終相信何小姐有得到至尊大碟的一天.
作為一個住新界聽眾,要出長水遠由
家中入機場,仲要想盡辦法離開那個
得10度氣溫的機場島,主辦機構可否
下次早點開show,唔使搞到Eason唱
K歌之王要睇電視先可以睇番咁無引

今年場show好悶,悶唔係無感人場
面,又或者歌手表演差,而係一入場
只係不斷播天比高,叱吒八達通廣
告,但最重要十強名同10x最名單投
票方法都無提過,要開show森小先
講,想投票都未必夠時間做

當然最唔明個場設計,樓上大部分都
要打側身先睇到個唔岩咀形既mon,
睇得唔舒服,路程又遠,怕遲收show
無車返屋企,天氣又凍,難免叫人無
心機去睇

今年雖然好差,但總好過睇新城,起
碼無鑼無鼓,耳根清靜
匿名說…
同你意見差唔多,個晚我都係現場:)
逼得太緊kary唱得好肉緊但聽得好辛苦好似扯住扯住咁把聲...
其中個個唔係O咀...我附近好多人係發出"下"聲XD

至於FANS..今年好多fans都冇飛,所以燈牌咁少...

即使坐山頂,但都睇到好high,因為現場氣氛真係好好...

冇d人講到咁差ja
匿名說…
也許"我最喜愛"需要的是合樂迷緣大於唱功吧! 這個..我想千嬅是眾女歌手較"入屋"的一個。
匿名說…
oh... thanks to your confirmation. I was wondering that night why the applauses are so little... the problem of recording or venue?
1. Once again, I have to use 'surprising' and 'disappointing' for some of the 10 songs, esp 男人KTV. (but Eason's featuring is interesting)
2. But for 愛一個上一課, as 903 mostly support the Jazz version, why do they still play the original pop version?
3. Eason's choice of the remix version is really funny!
4. Hope Paco won't torture Kary this year, and let her relax and enjoy to sing.
5. Really looking forward to At 17.
6. 酷愛 being the 至尊歌 can create more voice and heat. Eason said "good ar!" when getting just no. 2. Ha!
7. My most exciting moment is Eunix's part. She performed well, and hope more people pay attention to her la! Sherman also needs more recognition.
8. Ivana's performance is very good and touching!
9. Those doubting what is 農夫 should try to understand their work. Gillian is correct that it's good to have more bands and groups in HK.
10. Louis & Kay's words are touching. Hope they face less absurd rumours and pressure!
11. One precious point of Ultimate is like HOCC said, recognising achievements and quality rather than fame.
12. Jan's talk show is quite funny, but Kay's part... um...
13. the opening and DJ dancing are too lengthy and not impressive as with last year, and Sammy Moving and Chu Fun's reading part are also not quite meaningful
14. if next year AsiaWorld Expo is still the choice, time management wiil be very important
15. the robot on the stage has made the show less moody, and not many people know it moved at the end!
16. Surprisingly, media's responses towards Jason's situation are little, this's lucky to 903
17. Selfishly, I rather don't want Ivana (and Kay) to be so popular that loses her own class and quality...
18. Once again, Ivana's saying "我今年大部份工作都係幫商台做" has no problem, except other media can hold good music shows!
(sorry, too long ...)
匿名說…
zarahn得獎呀..超開心..論實力佢地都會打倒twins哇?不過論人氣就唔夠佢地啦..
匿名說…
08年endy變番solo呀.點睇呀?
我之前因爲中意endy先中意zarahn.2+我習慣番zarahn又要接受番endy solo???????華納搞乜嘎...係米佢地成績唔好?
匿名說…
同佢地自己的十大差不多.....

我今年無看啊,我只是到youtube 看看片段就算啦
Julius說…
的確呀,如果王菀之自己可以寫到首咁爆既歌,實興奮死。

不過我覺得會既,時間問題時間問題。
我都有去現場,仲睇到最後,結果差不多一點至出到市區...

當晚其中一樣幾正o既o野,就係當歌手唱歌o個陣(十大同部份金獎),中間個圓形電視會播出一些片段,我見到o的片唔係求其cap個樣出o黎o個o的,係有意思o既,幾正...

另外講講10x最愛,其實當時開始散緊水,不過我另外o個個想聽埋,所以我都聽埋...當Eason話"你地走緊啦?",就有人即刻停步睇o下咩事,跟住音樂一起,全場拍掌,大合唱,氣氛超正...

今年係第二年去睇,亦係第一年同佢睇(邊個係佢?你明啦... ^_^)初時佢話驚悶(?),同埋驚夜,加上佢唔多聽本地o野(佢o係英國讀書,聽老外o野多)...點知去到,最早o係度搖旗吶喊係佢,最早睇到喊又係佢(尤其係張爸爸o既"愛Kay宣言"),到要話睇到最後o個個又係佢...我絕對感受到叱o宅o個份強而有力o既感染力,同埋點解o的飛咁多人搶...
匿名說…
農夫, 有耳非文, 李卓庭拎獎都俾人嘈, 香港歌迷水準之高可想而知
Fun說…
其實903已經用左超過一個星期既時間響好多節目度嗌人7點好入場啦,咁大部份觀眾都依然係照舊8點幾先入場,咁大會無理由o係少過一半既觀眾情況低下開場喎~

其實我覺得不如叫d歌手講少d野囉,好多都係唔洩底咁,無野講都要揾野講.. 如果唔係就唔駛overun到連千fa都無得場~
匿名說…
我在网上听的903直播,可惜网速不好竟错失了有关17的几秒钟。。还有朱凌凌。。要看返moov的足版至得
匿名說…
容祖兒歌是唱得好,但唱歌沒有感情在於她的心靈質素,不合大眾眼緣在乎日久見人心...

何小姐迎頭趕上在於她的真性情及唱功...

楊小姐幾乎無對手下取最受歡迎在於大眾對她的集體回憶,加上她的個性立體,沒有紮實的歌技卻有感情充滿的流露使人動容...
匿名說…
K歌之王 唱得好?唔是啩.

我觉得是Eason水准以下!
匿名說…
我唔係stephy fans.but我覺得(903唔fair lor~~
明明stephy首電燈謄hit 過有耳非文首歌,
就算有耳非文首歌好(雖然我唔咁認為),
就算stephy唱歌走音,都唔應該因為黎個理由而唔頒獎比佢.而頒比自已友.一首歌背後除左歌手之外,亦有好多人在背後努力.
仲有一位女新人ck 都唔錯佢唱歌,

stephy and the term are so poor.
and jason 竟然無prize~
d dj識唔識聽歌???
如果真係識,我覺得佢地好小圈子.
匿名說…
電台直播時候EASON唱完K歌之王後的少許感想被SHARP CUT了,有點可惜
但是不知何故總覺得今年好像比較悶了點......可能「我太難被感動」罷

的確側田和KARY得到歌曲獎是我最不爽的一部份,唯一可喜的是把電燈膽轟走。

但是說實在,我對朱薰再度打「正音」旗號賣弄「正音」讀出林夕作品的一節最受不了。即使號稱「教導人們糾正懶音」的她,也逃不過全香港85-95%市民的HYPERCORRECTION--把不斷出現的零聲母「愛」字加上鼻音。不過,我這種「不爽」,恐怕沒有人會認同......
匿名說…
樓主係咪對"男人KTV"有D偏見呢?
gulugulu首,歌係好,但獎又好似未夠班拎呀
商台計AP架
匿名說…
如果有留意叱吒頒獎禮, 一定會留意到DJ 往往是這樣介紹容祖兒的 - "呢個歌手得到呢個獎, 係因為佢的歌 真 係唱得好"。 無可否認, 自2002年開始, 好似冇一個女歌手有佢的穩定表現。悲~

現場投票投了Kay 的節外生枝, 無非想她唱一支歌。

楊千嬅奪獎的一剎那, 全場的旗海、歡呼是全晚最勁的。 其實Eason都有咁勁ga, 可惜奪獎太多, 分薄左!

當晚Jan作了一個預言, Kay係可以長揸, 相信短期內會上到金。 這個短期不知道是今年還是09年呢?
匿名說…
農夫拿獎係全場最high..
氣氛最高脹ge時候,
佢地實至名歸啦,
係有一班人o係度嘈,
唔知係咪xxxxx ge fanz啦
匿名說…
等你這篇 BLOG 等了很久啦…
集中討論幾點…

1) 李卓庭得金,我覺得實至名歸。不過可惜當我網遊既時候,發覺原來好多"樂迷"都唔認識李小姐… 但願 08 年,佢可以繼續發光發亮。另外,那晚係我第一次睇佢唱 LIVE,但係表現絕對可以比果位四台大碟獎得主有過之而無不及…
2) 男新人獎係我其中一個 "O" 咀位。對我自己黎講,陳生的唱功絕對比洪生優勝。唔講背後買獎果 D 陰謀論,純理性討論,陳生失獎原因有可能因為唱片公司失當,陳生 PLUG 歌主要係上半年,下半年果兩首未及上半年果 D 亦都係計算錯誤之一…
3) 唔知係咪我自己既電視有問題,成晚既音響都好似怪怪的,唔知現場有冇呢個問題…

PS:十分同意樓上 KAKA 所講…
匿名說…
值得一提是鍾舒曼得獎那一幕,假到爆的喊戲實在令人啼笑皆非,只聞其聲不見close-up的現場觀眾未能即時觀賞其出色演技著實可惜;林海峰那段"多謝winnie"的嘲諷,當時能領會箇中奧妙恐怕只有後台的工作人員...

我想叱吒並沒有明文規定上台攞獎必須製做感動位吧?!抑或喊戲是英記的指定動作就不得而知.但若沒有把握演場好戲說服你我他倒不如爽快地攞獎走人,總好過現在這般惹人笑話.
匿名說…
每年都有个主题
我最中意上年个个
可惜今年。。唉。。好闷咯
个台又细,主持人也不能带动气氛...
匿名說…
CK 同陳柏宇無獎真係想......
論銷量, 唱功, 被支持程度
真係唔知有邊樣佢地係差得過梁雨恩, 小肥
竟然連個銅獎都無
證明左商台而家真係重視關係, 後台多過音樂
叱吒今年真係幾悶,, 我聽收音機都覺悶, 睇番電視真係悶到嘔 (cut左好多精彩片段)
全晚最高潮真係楊千嬅拿我最喜愛的女歌手
真係實至名歸
余人說…
我好羨慕有得去現場睇既人,因為我係屋企睇一來冇氣氛(現場收音麻麻),二來cut咗好多片段,三來TVB嗰兩個主持全程講廢話,好冇癮。

呀斐當晚唱live有d失準,我以為佢太激動,原來係唔舒服~男人KTV同逼得太緊攞獎同In Control攞四台聯頒大碟真係O咗,側田同Kary一路唱一路諗緊仲要唔要睇落去....至於Stephy,我完全唔記得咗佢既存在,第二日睇報紙先知有人替電燈膽冇獎唔抵,不過都佢冇獎絕對係好事,有得避都盡量避免聽佢唱live~

酷愛攞獎係大熱爆冷,但軒仔攞男歌手金就係實至名歸,佢話自己係香港做野,爸爸媽媽有咩事都唔敢同佢講嗰到好感人,我聽到喊,睇住佢付出努力之後回報真係好開心!!

女新人既獎果都幾好,全靠粱雨恩將江若琳迫出三甲;男新人替陳柏宇可惜,洪卓立唱唱吓歌突然話要多謝作愛冇膽既人,但係唔記得咗作曲同填詞人既名,枉Eason仲話要尊重幕後人,唉,無奈~

Ivena solo嗰part超正,我相信佢講既朋友應該係JC;張繼聰嗰番全城感動既宣言,搞到我都好想變成Kay;農夫...無話可說,一齊盡在不言中,我都想身處現場,最乞人憎係農夫唱到一半TVB cut咗去廣告!!!
匿名說…
其實我都唔能夠明白點解千嬅這個水平的女歌手又繼續係我最喜愛, 尤其她今年的歌........真係性格比袓兒好那麼多, 還是她比較懂得表現自己的感情......其實唔知從何時開始叱吒好像出現了一些ANTI 袓兒的聴眾, 還是ANTI英皇?
不過,其實只要看一看演唱會的賣飛情況和場數應該可以有一個真實一點的受歡迎指示吧.
匿名說…
樓上個位唔使講都知
應該係美祖既fans

我認為我最喜愛唔係真係投邊個最得人喜愛
係投邊個無咁剋人憎
joey 最後一日先過返kay
至衰無唱票
我諗佢hocc都未必嬴到(木紋千幾對joey三百幾,,雖然未必fans先投)

同埋佢拿女歌手獎時
當佢知道陳奐仁唔係度時
唔夠一秒即刻彈左句佢唔係度出黎
網上好多人都話佢
我相信佢近幾年頒獎禮上既失言
係佢唔能夠成為我最喜愛既原因之一
匿名說…
re: k

其實楊千嬅個concert5場都好爆,唔係雜誌講得咁差,仲要寫衰個concert既雜誌都係英記既...

我諗要怪都係怪英記過份吹噓容一姐既小小實力,足以惹人討厭.佢唱得,但未致於係天上有地下冇囉,明明得60分,但要扮到有90分,真係唔明點解...

同埋開得多都可以係派飛,又唔係冇人試過
匿名說…
睇翻您06叱吒嗰篇, 對比翻今年叱吒, 有以下感想:
四小強除左方大同轉戰國語市場之場, 其餘三人各有好結果, 特別歡喜是張繼聰喺作曲人大獎KO 雷頌德, 不過零八林狗會開show, 或者會單飛出碟, 唱作人獎或會有變數, 話唔定張敬軒上左男歌手位, 佢個創作人會俾左阿Jan, 而王菀之就要睇佢零八年會唔會出到一首好歌, 爆得出就掂o
組合方面, at17零七年玩分頭修煉, 只係出左一隻新曲加精選, 冇獎都算正常,仲有Soler 零七年因為官司成年冇出歌, 期待佢哋零八新作, 咁樣出年twins 有冇得上台好成疑問o另外, 如果唔係零六年劉以達衰多口引致”軟硬x達明” 流產(我呢世都唔會原諒陳海淇), 可能組合獎既驚喜比依家仲大, 可惜……
上年你提過一句: Twins的時代是否告一段落? 起碼喺903黎講, 係…… 而我哋唔應該忽略叱吒既前瞻性, 九十年代尾佢哋係第一個頒獎禮將四大天王由主要獎項中踢走o Twins時代由903閉幕亦唔出奇, 對903黎講, 捧出At17同廿年前捧出達明一派一樣令佢哋驕傲, 咁何必要俾面eeg?
睇到無論男女歌手, 甚至組合, 903都想到接班問題, 十年前做過一次, 當年捧起eason同古巨基, 可惜古巨基唔領情去左拍劇, 但幾年前返黎, 歌路轉埋但係903照buy, 而eason, 同千嬅情況相同, 點樣轉會低潮, 903對佢哋不離不棄o 估計幾年後當佢哋過左攞獎高峰期, 而新一代正式接班後, 叱吒依然會留位俾佢哋, 情況等如劉德華@新城同TVB
女歌手當年落錯注喺李惠敏度, 彭羚王菲又自己唔玩, 好彩後來捧到千嬅……黎緊下一代重點會係謝安淇同李卓庭, 903會用同一方法去捧, 睇下效果會唔會一樣, 李卓庭值得呢種鼓勵同推動o 至於王菀之, 同第一段所講咁零八年有首好歌爆得出就掂o 容祖兒或會步Twins 後塵…… 而何韻詩要睇有冇好歌先定到佢既浮沉o
喺網上,成日睇到d人為左CK同萱寧攞唔到叱吒獎而抱不平, 但我覺得CK同903關係, 有d似903同克勤咁, 大家相同方向, 但由於係兩條平衡線, 所以未遠都冇交點o (BTW, 我估計CK喺港台同TVB都係食白果, 咁以後佢可以諗下轉型做”靚聲Hi Fi天后”, 唔上主流媒介可能仲好o 而萱寧….. 我都係寧願903捧李卓庭o
零八最期待:
楊千嬅重投人山人海懷抱, 明哥對商台的家嫂及女兒永遠係最好的o 可能連千嬅自己都認識到呢個時代要佢爭女歌手獎係不切實際, 但總想有首好歌令佢繼續被喜愛o
謝安淇,李卓庭同王菀之經903祝福後的表現……
At17同Soler 蟄伏一年後的新作, 好想睇佢哋上翻叱吒台, 我幻想緊個畫面: at17上台致謝, 鏡頭影住明哥, Soler上台致謝, 鏡頭影住Lupo 同黃貫中, 農夫上台致謝, 鏡頭影住陳冠希……. 最後鏡頭影頭Mani 黑面……正
匿名說…
其實今年好多人值得拎架-0-
尤其是泳兒...佢隻<送我一個家>如果要調上十大都唔係問題嘎
孫耀威都ok值..如果<Here I go>早D出0既話...因為佢07年太多普通K歌...
同埋有耳非文果晚(唔知係咪一向)唱得奇差...搞到隻歌好悶好多人轉台...
<電燈膽>入唔入都冇咩所謂,事關Stephy唱live差係一個事實,商台唔俾佢入絕對情有可原...
Jason... CK...兩個都冇...Eunix唔係話唔值得拎,只不過如果講唱功,萱寧先叫冇得彈囉...
容祖兒...冇咩好講...佢俾商台聽眾0既印象實在太負面,呢d叫一失足成千古恨...希望佢繼續唱多D歌好過喇!
不過講真...為台上得獎歌手鼓掌係一種禮貌,唔知點解商台d聽眾咁得意......
同埋,非常認同Blog主對呢個頒獎禮0既睇法
匿名說…
可能係因為有共鳴,所以非常喜愛讀你的文章

特別係07最喜愛之新人eunix,自佢出碟後第一時間買、煲足三個半月,完全冇厭倦既感覺
見到sherman得銀獎時,心已跳了一半出來(雖然都幾鍾意佢d歌,但真係冇對eunix咁喜愛)

的確,商台唔buy jason都幾唔抵
固執、斷絕來往、永久保存,even係side track車匙(唔知係唔係)、不等於都好好聽
現場聽到邊首都好過聽愛.無膽
匿名說…
re: jay 生
我想講我其實並唔係joey fans, 不過我真係覺得佢得獎係因為唱得幾好, 又真係唔係幾抵得叱吒fans 們對得佢咁差....又不過我都幾認同你的說法,係衰失言. 佢真係唔識講嘢..

re: 哈哈人
我唔係睇雜誌知道千嬅賣飛情況, 其實好簡單, 行下通利都知. 你自己都話, 可以派飛, 其實開得唔多都可以派,實爆!

其實,我都係想講, 單純以joey 的實力和勤力,應該值得多少少尊重啫! 尤其現今樂壇唱得之人買少見少.
匿名說…
TWINS己經係連續兩年失落組合金獎冇得上台唱歌,而我最喜愛組合獎更加係連輸三年,咁仲唔說明TwinS時代己經玩完???對於想聽真正好歌o既樂迷絕對是好事!!

by the way 無記整兩條粉腸上去做旁白正正說明無記的霸道!!我轉播叱咤點做法我話事!而家肯即晚播己經執到!以前?等勁歌做完先有得睇啦!!
匿名說…
雖然我都覺得陳柏宇無獎好唔抵,
但洪卓立唔算太差呀?
Live愛.無膽都幾好丫...
個人心水金獎係陳柏宇,
銀先洪卓立,銅係周柏豪=)
朱淩淩銀實在太好啦,
佢地自己拍既得奬片版Up左去Youtube,
正到爆XDDD
P.S.比張繼聰比冧死左XD
當晚最High係農夫*
匿名說…
07叱咤結案陳詞

本想著等一口氣看完四大一塊兒寫個總結啥的,不料1號晚上對偶的刺激實在太大,以致于連msn簽名都掩飾不住改成個爆發“酷愛”似的歡呼語言~冇錯喇,恭喜晒你——張敬軒!

之前的新城偶真是懶得罵他們——每年都熬這麽一大鍋粥生怕分不出去吧~場面混亂得比走馬燈還鬧心,過分冗長所以被翡翠cut得一塌糊塗一首完整的歌都甭想聽見,同時獎座大得嚇人,每年眼瞅著個個身材嬌小挂布極少的女歌手吃力地抱著一堆尖了吧唧的玻璃碴兒都怕她們紮著。。。今年,新城已然攀升到了不可饒恕之巔峰——可憐了陳柏宇小朋友不說,還犧牲了偶們軒仔live show的完美程度。。。殺千刀啊殺千刀~得,懶得罵還是罵了這麽些。。。哀其不幸怒其不爭!

說回偶至愛的叱咤~商台的專業程度毋庸置疑,一班903DJ總能把“氣勢壓倒一切”這句話演繹得淋漓盡致。開場那段VCR很感人!也都只有識樂壇,重樂壇的人才可以明白其中的奧妙~

先看“專業推介 叱吒十大”。由榜尾開始:
十 《東京鐵塔-GuluGulu》怪得好緊要,欣賞不了於是忽略不計。。。
九 《男人KTV》沒啥共鳴,留給男人去回味無窮~
八 《逼得太緊》秉承Kary一貫的怨女作風,歌還不錯,就是越聽越苦。。。偶像組合出道的後生女之中Kary的live算ok了,畢竟其歌高音太多而且漫長~總比Sa嬌二位仙女在新城上的表現讓人安慰,《相愛6年》阿嬌那個音走得呀~~~姥姥家去了。。。
七 《愛一課上一課》可惜了Joey永遠清亮的嗓音,這歌偶少說聽過3遍,愣是一句詞兒一句調兒沒記住。。。咋聽都不像藍奕邦和林夕的水準,還是偶不識貨??汗。。。
六 《前程錦繡》類似03年那首《一步一生》,同樣講述理想與現實,成長與回憶的故事,卻沒有了當年的感觸。。。不完全是鋼琴編曲缺失的關係,雖說偶真的很吃這套~小細節——安仔回頭見到大螢幕播出自己曾經青澀的照片不禁真情流露,笑到歌都唱斷——903好用心去做今年的背景,每位歌手身後都是星路歷程的寫照~
五 《木紋》(呢度我唔講,留俾Coco去贊~我又真系對呢首歌同埋呢個歌手冇乜feel。。。)
四 《愛回家》不如改叫《愛得太遲II》好啦,細So講得有理,爲基仔這兩年對於HK社會Peace & Love的宣傳意義偶們必須呱唧一下!就快轉型成爲公益歌手了~加油!插一句——點解今年得獎歌嘅作曲填詞監製唔系由細So讀出來吖?好鍾意佢把聲~
三 《花落誰家》本來就不記得啥調,李老爺爺還不親臨現場提醒偶一下。。。這拖家帶口和孤家寡人的就是不一樣哈~瞧人家劉老爺爺在新城赤膊上陣那架勢,您們這等baba級人馬可咋比啊??回家餵奶去吧~
二 《Crying In The Party》充分說明baba級人馬也可以童心未泯~Eason到了今時今日歌神地位早已穩固,可勁兒造吧就~這類歌反正不是偶那杯茶,跟GuluGulu足有一拼,唯一不同的是有耳非文靠另類擠進前十叫作“掙扎”,而Eason玩另類仍然高居榜首叫作“神話”~
一 《酷愛》(至尊歌曲)面前所有語言瞬間褪色,u deserve!

I love u Boy’z一段好kawaii的串場之後,再看看這幫眼淺的生力軍孩子們,歌還沒怎麽著呢動不動都哭得梨花帶雨的~哎~娛樂圈大染缸,既然一腳已經淌進來,另一腳也就甭吝惜了,爭取潔身自好吧!周柏豪和洪卓立長得倒是挺有偶像劇范兒,TVB睜大眼了啊!

森美移動。。。別介,別介,偶膽兒小,下回咱別這麽出場了成不~細So還能再帥點兒不?學了七天小提琴那哥們兒還能再搞笑點兒不?Ivana說話還能再可愛點兒不?毫無疑問,林夕同雷頌德依然壟斷HK樂壇的幕後獎項,每年聽DJ念著他倆作品的一連串名字,幾十首上榜歌曲,十幾首冠軍歌的産量,心悅誠服!今年張繼聰也差不多屬於大熱爆冷,你哋兩公婆還能再sweet點兒不?

Eason首《演唱會》和農夫首《全民皆估》也像去年Hocc首《光明會》一樣掀起全場熱浪,旗海飄揚~而林海峰一段“全歌手皆股”的棟篤笑也見心思,一邊是股市的浮誇,一邊是樂壇的低靡,笑中有淚啊。。。當軒仔哽咽著躋身HK樂壇的三甲,當千嬅微笑著說起每年參加叱咤party的感受,當Eason伴隨著全體DJ的燈牌唱起十年來我“最最最最最 最最最最最”喜愛的金曲《K歌之王》,又一個不眠之夜雋永。

我唱得不夠動人你別皺眉 我願意和你約定至死 我只想嬉戲唱遊到下世紀 請你別嫌我將這煽情奉獻給你


http://yip-wong.spaces.live.com/blog/cns!D8B7F525571364A2!1703.entry

基本上認同你對叱咤的睇法,我都有寫咗篇評論係我blog度,交流下喇~