零八年八月,新歌簡評(一)

很久沒有留意兒歌,近來聽了一些才知原來今時今日的兒歌已經去到這個境界,最震撼的莫過於裕美《水果大聯盟》,一首徘徊在cutie(歸功於裕美的演繹啊)、益智與腦殘邊沿的「經」(驚?)「典」(動詞?)力作,最神奇是歌詞全程和旋律都是處於合音與不合音之間的狀態,而作曲填詞根本是同一人──沒錯了,又是他,高皓正!

側田《未輸》:
這是個簡稱,全名是「未輸人先輸陣」。勵志和鼓舞聽不到,只覺得很嘈和很煩。聽完反而覺得真正囂張的,或者是側田自己。

周柏豪《宏願》:
普通情歌一首,有點類似幾年前許志安常唱的那種,幸好不算悶,而且周柏豪的感情流露發揮得也恰如其分,閒時聽聽也不錯。

楊千嬅《明日再會》:
怎麼還是那個老樣子?我聽了一次已經覺得有點厭倦,音樂上千嬅開始和時代脫節了。還要早前在電台無意中聽到她的舊歌《有發生過》…唔怕貨比貨,一聽之下不禁感慨,當年那份細膩的感情也不見了。

鄭融《健康教育》:
每到差不多時間鄭融就有這一種擺明車馬的K歌,《終生學習》《紅綠燈》《東京百貨》到這首《健康教育》,有種「邊際效用遞減」的現象,越來越難引起興趣,這些歌固然可以吸納一批K迷,不過個人而言這首就會直接跳過了。

EO2《Ladies Nite》:
開騷歌一首。還在想究竟那句「Let’s celebration」是否不合文法之際,唱片公司已經靜悄悄地派上了修正版了。對這首歌興趣不大,旋律比不上較早期的《大難不死》或《舞林群英》,演唱上也未見再進,似乎還是有甚麼舞步會更令人期待。

留言

匿名說…
我第一次聽未輸都覺得幾煩
尤其是chorus同二胡果段
但聽多幾次感覺好左
幾鍾意所謂'pre chorus'果幾句

Ladies nite 我都諗過佢錯grammer
請問佢而家改左做咩歌詞?
匿名說…
關於楊千嬅那首明日再會
相信脫節的不是千嬅
而是黎生 這首又是黎生之選..

還望他朝有日千嬅能脫離黎生的魔掌..
匿名說…
〈Ladies Nite〉那句 Celebration 真係好似當年的洋酒廣告。首歌都算唔錯,個唱點題作都算合格。
匿名說…
絕對認同你既說法
明日再會唔係唔好聽
只係如果聽番'愛人' 有發生過' 呢 d
就知咩事..
匿名說…
音樂上千嬅開始和時代脫節了

這句話説到關鍵點上
匿名說…
從前我係千嬅粉絲,但到了東亞後,
我都唔再聽佢啲歌...
越聽越失望...


高皓正,我一直都覺得佢能繼續填詞真係奇蹟.
宜家識講嘢都可以做歌手,睇吓tvb.
咁識寫字嘅唔會唔都可以做填詞?
花貓變身豹除了唱的人令我汗顏,
詞也填得恐怖...
匿名說…
裕美首水果大聯盟……
d詞真係一絕 絕到唔知佢想點
一個字 不知所謂!
Holf Yuen說…
Jordan Chan,

原來是「Go celebration」「Let's celebration」,現在都改成「That's celebration」
熒惑說…
由聽PROUD OF YOU開始,就對FIONA FUNG這個神秘的名字有興趣了,終於看見她「出道」,愈來愈多她的歌聽了
可以介紹一下馮曦妤這位歌手嘛?謝謝~^^
匿名說…
thx~
我初時第一次聽未輸都覺得麻麻地....
但第三次聽已經覺得其實幾好...
同埋個段二胡...覺得幾特別...
怪怪的...
但唔錯~好有新鮮感~!
匿名說…
雖然未輸o既歌詞係叫人地唔好咁囂張, 但側田唱o既腔都好囂張, 好似自打嘴巴咁
匿名說…
種種水果都可愛..無言..
對高皓正印象本來都ok..佢何必要寫首咁既歌..
佢隻ep唔洗賣得出= =

唔知點解stephanie個首歌一路聽一路笑..
細蘇講埋個歌名個陣直程笑到痴左線(我都唔知點解)
但係都幾好聽既
匿名說…
其實我覺得政府個首咩蘋果香蕉啤梨桃仲好聽
起碼我成日都係度哼(...)
匿名說…
呢首詞又好似唔太差喎


02. 時間停頓

作曲/作詞:高皓正
編曲:Terry Ko@153 Studio
監製:高皓正, Terry Ko@153 Studio

似按下暫停 世界亦無聲
這剎那令人氣管結冰
靈魂被你一觸摸瞬間定格
身體不夠時間反應
看著月球 抱住流星
天空都因這熱吻肅靜
銀河邊星星請帶點耐性
一起於永恆裏見證
記低這一秒 從這刻 任愛情照耀
大地亦蒼老那天 沒有換過這張合照

*噢 停頓了地球停頓了
輕輕吻你這刻 宇宙太渺小
抱多一年 再將一年 放於一秒
百萬年掠過亦無人及你重要
煙花也停頓了 路人停頓了
一切都結了冰 我心卻似雪融掉
世界溶解都跟你一起醉掉
伴你直到白頭
獨你是我所有 誰也不緊要

一生一世 要是太短
可不可以 永遠相戀
如同一出生早已選定你
多麼想叫時間倒轉
記低這心跳 從這刻 沒有人騷擾
但願在天國那邊 上帝亦見證這盛宴

Repeat* X1

噢 停頓了白雲停頓了
春秋盛夏冷冬 也別看手錶
有一億年 抱一億年 情也未了
百萬人路過但誰人我也不要
光陰已凝住了 擁抱凝住了
一切都化了煙 這刻我永不忘掉
我餘生只給你 時常照料
愛沒有盡頭
為你奉上所有 而你感動了
LYW說…
哈哈
你形容水果大聯盟既手法真幽默xd
匿名說…
好一個deminishing marginal returns, 評歌評到經濟理論都出埋,勁,不其然令我想起中四,五的經濟~~

另外,ladies nite,第一次在巴士聽到就已經覺得文法係錯左,而且我會覺得錯得好離譜,let's後面竟然加上名詞!?但係之後我又自我安慰,會唔會係我聽錯呢,可能係there's celebration(雖然知道沒咩可能,除非我耳仔真係有問題),又或者其實歌詞的文法是否不應太執著。不過如果繼續播舊版本,我會好反感。
匿名說…
我覺得側田係想學外國的唱腔..
不過學得幾成..當然難聽..
WHY說…
仲以為你講健康教育就會即踩陳少琪D勁到無朋友的詞TIM...
個人認為呢首詞直情模仿紅綠燈, 要用最易記的日常生活東東黎令到首歌大HIT
匿名說…
講句公道話,我今年廿幾歲
過去廿年(呢四五年返工,唔計)不斷睇四三零/閃電傳真機/至net小人類,聽歌唔少

就兒歌來講
_水果大聯盟_水準已經係平均以上啦
起碼可以得啖笑
接近鄧健泓首"我愛胡思亂想"的水平

真係差果D兒歌,係錯字,錯grammar,錯音,加個五音不全的女藝人 = =