星期日, 9月 28, 2008

零八年九月,新歌簡評(四)

林峰《愛人與海》:
是偶像派是情情塔塔又如何?人家就是唱得有水準,唱出來有吸引力。

何韻詩《青山黛瑪》:
不知為何用了別人的名字做歌名,更不明如果切合主題的話玩食字叫《青山代碼》可能更好,為何要「硬食」別人全名(正如去年朱凌凌的《李英愛》玩食字「你應愛」更對題一樣)。至於那歌曲本身,一貫何韻詩式的蕩氣迴腸仍然保持,但有點不慣太高音和太緊,聽得令人有點神經緊張。

周麗淇《輕飄飄》:
方大同x周麗淇是甚麼效果?不算唱壞了一首好歌,但再一次證明Niki不是唱歌的料子,有些地方唱得頗為勉強。

at17 feat.林嘉欣《依然‧親愛的》:
林二汶柔情的聲線加上林嘉欣的獨白,短短兩分多鐘甜上加甜。和舊作《你有自己一套》《良夜》感覺類近,都是輕輕鬆鬆的聽得十分舒服,最典型at17風格也接近其最高水準的作品之一。

Mr.《想太多》:
相信有一代的band友是深受當年Blur、Oasis那一代英倫樂隊的影響,這首一聽就嗅到那陣味。一直都很喜歡那一種聽得出火聽得出靈魂的結他聲,加上主唱者和Eason有幾分似的聲線,聽得非常爽快。

孫耀威/張敬軒/關楚耀/謝安琪feat.譚詠麟《同心同路》:
香港電台電視劇《我是香港人》主題曲,曲詞再一次「始終有你金陳配」並有環球精銳盡出。無論曲、詞,張敬軒和謝安琪的唱腔都是老土,譚詠麟的獨白更老土得叫人發笑,編曲的那些中樂元素感覺有如見到有條老帆船駛過一樣。不過老土歸老土,我喜歡,至少感覺溫暖,四人也唱得舒服。

9 則留言:

  1. 之前上MOOV睇到HOCC有首歌叫青山黛瑪..
    我以為MOOV程式出現左混亂打錯-_-
    愛人與海真係幾好聽,
    點解D人淨係話林峯又唔話下鍾嘉欣架呢..

    回覆刪除
  2. 青山黛瑪反而就係有d精神緊張, 令到自己都代到入去歌者的感情入面, 有d touching位。

    回覆刪除
  3. hocc個首是要慢慢聽多幾次先聽得出味道~~
    mr. 個首新歌...
    或許因為我唔係出生於oasis的年代...
    所以唔覺得有乜特別...
    反而鐘意之前首everyone多點...

    回覆刪除
  4. 同心同路就係賣老土、賣懷舊,尤其當你聽埋呢首歌intro起個段聲音sample更有感覺,聽周國豐播過既版本有一段sample o係intro前面

    青山黛瑪首歌本身幾dramatic,hocc唱得亦有感染力,不過我唔中意歌名搞呢d gimmick,分散晒對歌曲本身應有既注意力,多此一舉

    回覆刪除
  5. 想太多的確方方面面都好懷舊...開頭幾粒音仲有D似王菲嘅胡思亂想...恰好係翻唱自英倫

    青山黛瑪個名我覺得冇咩必要過分追究.但係首歌都係需要一定情景聽先有feel.坐車時聽到的確好想skip.but好欣賞首歌嘅主題同內涵

    回覆刪除
  6. 青山黛瑪可能是進一步讓我從中意何韻詩到唔中意:(
    明白距咯意思,但是唔覺得距整的好。。。

    回覆刪除
  7. blog主對盧廣仲有咩意見??

    回覆刪除
  8. 點解仲未語GEM隻新where fif u go?
    依首歌係我個榜已經高居榜首...
    兩星期ap已經超過左50次....

    回覆刪除
  9. 知唔知商台點解仲係咁谷囍帖街, 仲唔轉十字架! 上星期死播都去唔到第一, 雖然囍帖街好聽, 但真的太多了...

    回覆刪除