……

有道是:既然你不給我一個說法,那麼我就給你一個說法。你選擇磨爛蓆,所以我選擇割蓆。

大家通常每10個星期就會看到一次的903播放率統計和分析,今年第50週將不會再出現。原來真的是「唔好俾我睇死」,看來也真的無謂再為那些拉靜樂壇的頒獎禮作宣傳。

「拉靜樂壇」是甚麼?是拉不是推,是靜不是動。走在潮流最前為樂迷推介尚未廣泛流行的好音樂,開闊樂迷耳界的就叫推動樂壇;當普通的樂迷都已經不受傳媒支配,懂得主動尋找好音樂的時候,頒獎禮用僵化的思想和醜陋的價值觀在拖樂壇的後腿,阻礙樂壇的新陳代謝和世代交替,這就是拉靜樂壇。商台的頒獎禮終於也加入了拉靜樂壇的俱樂部了。(它當然不是唯一一個,TVB一早已經是,新城的連做一個體面的頒獎禮的能力也沒有,推也無力,拉也無力)

以前分析播放率時經常講要看商台取態。頒獎禮是不會有「做馬」的,因為主辦單位根本就有權決定頒甚麼奬頒給誰。但一個頒獎禮處理得如何,就可以令人看出主辦單位的專業態度和價值觀。年尾電台怎樣播歌大家是有眼睇的,不要當全香港聽眾是白痴。已經不只是第一次了,一些年內表現令人眼前一亮的後起之秀,去到年尾無論你的歌幾好聽、派了幾多歌,只要你不是主流傳媒認可的所謂一線大牌紅歌手,只要播放率在那些一線大牌紅歌手的前頭,都只會換來禁播令(難道真的有人相信《圓滿》《後窗知己》《節外生枝》《我的天》《悔過詩》年尾播得少都是因為質素低下),因為那些獎項是他們這班大哥大姐的專利,年尾的播放時間也屬於他們的專利,後起之秀就算要上位也只可以三、二、一的逐級上。一個年青人電台的取態,竟然是宣揚論資排輩的封建思想階級思想,可以說是愧對香港樂壇,愧對本地流行文化,愧對自己台徽的一團火(這個排比句有點面善…)。

叱咤十大,吳雨霏拿過,鄭融拿過,薛凱琪拿過三次,唱《手望》和《畫意》的王菀之沒有;女歌手三甲,謝安琪拿過,衛蘭拿過,同年出道而口碑至少和她們平排的王菀之沒有。為甚麼?不為甚麼,只因她是唱作人。拿了唱作人的獎項,就被剝奪得到歌曲獎和女歌手獎的機會,無論歌或人的質素如何。原來身兼創作和演繹兩職,得到的是歧視和懲罰。是不是要人家放棄創作才安樂呢?對創作人的態度如此,香港還發展甚麼創意產業呢?歌神八年前的祝願「好歌有好報」,看來和今日的樂壇距離已經越來越遠。

對啊我知道唱片公司是會爭獎的。老實說爭獎不是不可以,拜託拿點好歌出來才算吧。做人是要有廉恥的,如果創作又不會,齋計唱歌也沒有別人好,有甚麼資格眼紅人家分人家的獎?要是唱片公司這麼嗜奬如命的話,頒獎禮乾脆叫那些唱片公司D大粒上台拿獎好了,不要叫歌手做替罪羊(這個相信側田感同身受)。

楊千嬅拿著獎在台上說的「只是一場遊戲,毋須這麼勞氣」這句金句太深入民心了。你明白其深層意義嗎?其實反映的是這個樂壇本身對自己行業的態度是如此的兒戲,對自己的專業精神是如何的蕩然無存。不要以為計好條數分豬肉就叫做面面俱圓,那些為分獎製造播放率的行徑正正代表對音樂的輕視,最大的輸家其實是整個樂壇。一個行業的主事人對自己的專業都這麼兒戲,還有人會尊重這個行業嗎?當你們說叫大家支持樂壇支持正版的時候,說服力還餘下幾多?

講開楊千嬅,今年的表現、歌曲的迴響大家有眼見,這也成為903的女歌手大贏家的話,不代表楊千嬅音樂生涯再創高峰,只代表商台的公信力再創新低而已。連《Wonder Miriam》也有機會叫做「至尊唱片」,無疑是對樂壇莫大的諷刺。要向唱片公司交待,交待?叫黎明落百佳買野咪有囉!

大家知不知道外面在發生甚麼事?我們的社會正身處全世界在CHANGE的奧巴馬世代,而我們的樂壇卻在高呼讓喬治布殊多做四年,這叫做我們的流行文化,可以與世界脫節到背道而馳的地步,你來自哪顆星?

類似的牢騷也不是第一次發了,我也是時候好好檢討一下,這個流行音樂的地盤,我是否還有心情再維持下去,再寫下去是否還有意義;外面有太多的事情值得關注,有太多的學問值得我去研究,一個行業要是不思進取自甘墮落,還值得為它花心機嗎?所以,本blog將會暫停更新四個星期,只有CC Music Chart的每週排名會定期在Side Bar更新。給自己四星期冷靜期,如果看不到樂壇出現一些令人覺得有希望的改變,那麼在08年底完成全年總結的手尾之後,09年開始這裡將考慮無限期停止更新。(同時要對Mr.說聲不好意思,你們的專輯原本是會專文推介,但這變成四星期後的手尾之一了。)

不要問喪鐘為誰而鳴,不要問香蕉為誰而掟。今年的香港樂壇已經夠暮氣沉沉的了,如果再沒有一些東西起到刺激和振奮的作用的話,八九十年代,我們領導華人社會,這一代,我們都是末代皇朝的敗家仔了。香港樂壇好自為之。

留言

pork說…
在下是你的新追看者
對你所說的深表認同
請你繼續發聲吧
這是Change的年代
有機會發聲,就有機會change
更何況你已有一堆讀者?
匿名說…
噢...唔好呀...我每個禮拜都係好期待等你個blog update架...我覺得你d樂評好中...而且係唯一一個剩講香港樂壇既blog(亦都可以話小弟睇得blog少)..我亦都明白你對香港樂壇既死心...我個人都幾喜歡王宛之...但903一次又一次搵佢做替死鬼我都好不滿...但你唔打blog都唔會改變到呢個事實架啦...我唔期望你會再為903打update...但請繼續出碟評及新歌簡評...以繼續你對香港樂壇(甚至只係王宛之)既支持!

讀者 謝拉特 字
匿名說…
見到喱到轉哂黑色都估到有野發生,,但估吾到會咁,,我睇左你地盤都成年,,竟然因為咁而第一次系度留言.
系咁架喇,,997有派獎禮903有分獎禮.
p.s.王菀之一段好鐘意,,中哂point,,因為咁唱作人先會減少,,當然有例外既,,十年一個掛.
為頒獎禮默哀,,為香港樂壇默哀,,也為唱作人默哀.
再p.s.Holf Yuen吾好閂地盤,,諗吾到Infinity Journey碟評尾幾句你系泥真.
Music Essays說…
女歌手方面除咗王菀之慘死,Fiona都不能倖免,天國的微笑hea到咁……
男歌手度都有juno、hins、khalil ap
戛然而止。如果愛plug咗個半月都未上,就係係度等人地過之後hea上幾week

不過呢,我始終都覺得903之所以咁,並唔係好情願嘅,至少由佢平時播歌可以睇到,佢地知邊D真係好歌手,值得推廣。只係年尾為咗就住D大公司,先係獎項到“欠”佢地。當然啦,獎項應該俾值得鼓勵之人。

903始終都係被ap累死,睇年頭年尾嘅劇烈變化就知。雖然有ap多咗一個“公平”嘅標簽,但係而家分明係催命白綾。好心佢由下年開始好似港台咁算數,只不過港台跟人氣,佢跟質素。

係而家樂壇咁水深火熱同埋侷促嘅環境下,商台都算係咁啦。與其為樂壇撥亂反正,做呢D高風險低回報嘅“事業”;不如得過且過、求一個平衡,做返個“企業”。

其實近兩年叱咤頒獎禮,DJ開場show都強調咗“這是個派對”,淡化嚴肅同莊嚴氣氛嘅同時,都淡化咗自己呢個獎項嘅分量。

唉,算吧啦。何必咁勞氣,好歌自己知。復興樂壇?如果有可能嘅話,咁或者而家未到最差掛。
如果唔介意,寫多一點碟評如何?

或許會弄成"幫唱片宣傳"的反效果,但我是相信,我們需要一些專業的人去評價唱片。
匿名說…
作為歌迷 自己支持喜愛的歌手獲獎固然是好事
但沒有獎項也不是天大的壞事
是場遊戲 為何勞氣
我想意思是能有便有吧 不必為獎項要生又要死

我是千嬅fans
但並不希望Wonder Miriam有大碟獎
比起Binary 後者的確好得多
不過我想說的是
只要自己支持喜愛的歌手繼續唱下去
有獎項與否也是其次 最重要是歌曲質素
要在獎項和質素中取捨 我會選擇前者

希望筆者明白我這個觀點
無謂為了甚麼獎而放棄評歌吧 =]
匿名說…
距拉直樂壇都唔僅僅係今年嘅事嘎啦.
呢個結果我作為普通人一定改變唔到.
不過我可以選擇唔聽距.齊齊眼不見為凈.
SuNNiE說…
你的一番話...我大部分都頗贊成....雖然王菀之是以唱作為主..但為何她不能有十大.同女歌手...楊千嬅的那一段...你也說得沒有錯....連Wonder Miriam 都拎到的話....也很沒公信力...雖則本人是千嬅的fans...但是這個獎我覺得是屬於kay同方大同.....我也期望樂壇能有一些令人希望的改變
匿名說…
路過一問...上年在903,楊千嬅的〈All About Love〉大約有164個air play,計《Wonder Miriam》的air play會唔會都計埋??
匿名說…
回上:All About Love沒有收錄在Wonder Miriam內, 故不當作Wonder Miriam的AP

楊千嬅過王菀之拎女銅都算啦, 若果Wonder Miriam拎埋至尊碟就真係......唉
匿名說…
難得比我睇到一個夠專業、中肯、時常更新、講香港流行樂壇既blog,
唔通真係咁快無得再睇?

樓主,
你的blog已經有一班日日check你個blog update 既 fans (包括小弟在內),
你真的考慮要停寫嗎?

既然你對香港樂壇心灰意冷,
為何不用自已小小的力量,
盡自已一分力,
去改善香港的樂壇?
你經過幾年的努力,
已經取得了不少知名度,
要是停寫,
不但浪費了自已辛苦建立的知名度,
更浪費了別人「抄」你個blog既主題而建立知名度的所需時間。

三思呀!
亞卡說…
我很認同你的說法,但我真的很不希望你不再寫。這樣說吧,這個樂壇縱然有令人很失望的地方,但我們總可以看到些少奇蹟。奇蹟需要由歌手、音樂人去締造,很多時候也需要人推一把吧!而你恰好可以利用你這個blog的影響力,去做為那些有「些少奇蹟」的人推一把的人,譬如你可以介紹他們的專輯!
你提到本來想為Mr.的新碟作一個推介,現在要擱置,想必你也很喜歡他們的音樂,或是很欣賞他們的熱誠、堅持、態度?我們當然不得而知,不過我相信很多有留意到他們的人都會這么想的,所以說如果他們算是「些少奇蹟」,或者僅僅算是有機會創造奇蹟的人,我們都想嘗試為他們做些甚麼吧!
期待四星期後你的專文推介,更期待你收拾心情回來後的新開始!
匿名說…
一入來睇,哇,乜成頁都咁灰...

不過,唱作人...唉
響香港做唱作,就要"對獎項抱平常心"
本身已經唔多獎,間中仲俾劉華佔領一個quota > <"

但掉轉來諗,唱作人響香港有無"曾經"真正受過應有重視?

如果一向都無的話,其實值得為見倒一個已有現象,而放棄呢個有(少少)能力令大家更留意唱作人的平台嗎?

P.S. 唔好唔記得隻虛擬精選碟(五)呀~
Unknown說…
二台實在係越黎越唔知想點
論節目質素,真係筆直下降,連皇牌“嘩嘩嘩”都收收地皮
論推動樂壇,更加係唔洗講。
二台可以話係陪住我成長
不過唔知點解好似越黎越唔arm taste

以前係睇903專業推介黎聽新歌
近一年都係睇你個BLOG黎聽新歌/碟
所以希望你可以繼續推介好歌俾你既讀者!

不過其實“言念” 深d,
商台商台
凡事都應該係商業角度計算,佢又唔錯得o西既..
匿名說…
正正因為如今音樂商業化,你更要發聲.
連網友聲音也失去, 一切則沒急.

並肩作戰, 加油.
匿名說…
這個blog可以說是為我找到了一個知音人...

說真的, 很少見有這樣一個專業, blog主很有誠意寫的一個blog. 半年前, 我只是看過你的一篇簡評, 便已養成定期看的習慣.

關於王菀之的那些篇幅, 我一邊看時一邊暗暗拍案叫絕. Ivana自己也說過她是樂壇裏的藝術家, 即是要犧牲. 這也令我想起張敬軒紅之前都是創作歌手, 到酷愛時期整個包裝都商業化了, 就一炮而紅. 我不是說他紅是因為包裝, 但他自己也說過要在商業與創作上取得平衡是有難度的.

有時作為不受電台動搖的聽眾是很感無奈的.
但我們心裏其實明白一切. 在此很希望blog主堅持寫下去. 我知道有不少歌星DJ界朋友都有看你的blog的. 你正正是在推動樂壇!
匿名說…
唱片公司和傳媒確實故步自封,但並不代表歌手和樂迷不肯改變

blog主為唱作歌手抱不平,證明香港樂壇仍然有一班認真做音樂的專業歌手

雖然我們沒辦法頒獎給實至名歸的歌手,但我們可以用唱片銷量及網上輿論,令「好歌有好報」

正如今年的方大同和謝安琪,無論年終頒獎禮成績如何,口碑和銷量都證明2008是這兩位歌手的豐收年

樂壇的改變不會由唱片高層帶來,正如奧巴馬也是由深信"yes we can"的美國民眾一人一票選出來
要改變樂壇,只有靠我們買的每一張唱片,寫在網上的每一篇評論,去投票選出社會主流到底想要怎樣的音樂
由我們告訴電台︰你們的頒獎禮毫無意義
由我們將樂壇撥亂反正

這是一場漫長的流行音樂革命,需要有質素的音樂和有質素的樂評
而blog主你已經是這場革命的先驅
因此,懇求你,不要就此放棄
匿名說…
我太耐冇追,唔知發生咩事,但Wonder Miriam會攞至尊就好Wonder啦

停下,休息,再寫,等你
匿名說…
Business is business, sometimes we can understand why 903 will give the prize to Leo, Miriam because they supported 903 concert. 903 loves Kay, it is not only because kay is popular, but also her company have bought many ad. hrs in 903.

We are disappointed to 903. Coz current 903 is not the one we could see before year 2000.

We had seen Sandy Lam getting female prizes couple years when other media were supporting Sally Yip.

We had seen Faye Wong getting many prizes when she was really green, while other media could not expect she would be a superstar.

We had seen Eason getting the best album award when he was in 1998.

We had seen Andy Hui, Eason Chan breaking the monopolization by "the big 4 male singers", and that year was 1999.

We had seen Sammi getting the most popular female singer when she finished her 1st and stunning concert in HK in 1996.

We don't care how 903 make the prize to someone because of business. But please give respect to New and Professional singers like Khalil Fong, Ivana Wong, Kay Tse.

I know 903 DJs have read your blog, I also know and believe that they will do something to stop such unfair phenomenon.

I will scream, "Khalil, you are worthwhile to get it".
不只香港樂壇,我諗全世界很多地方樂壇都缺乏一個所謂公正的頒獎禮,遠的唔講,就講內地,可以做大做強的頒獎禮邊個唔喺豬肉獎?華語傳媒大獎今年也好似奄奄一息了。
匿名說…
看了你這一篇文章, 我很高興, 真的很高興 (高興到要破例留言), 因為你終於考慮停止這個斥測樂壇, 希望四個星期後, 你會付諸實行.

這數年來, 我一直為你惋惜, 你竟然花時間和精力, 評論這個垃圾樂壇, 並且荒廢了填詞, 不過見你寫得這麼興高采烈, 我也不好多說.

我很多年前, 己拒絕了買唱片, 最近也很少聽新的流行曲了, 所以你筆下評論的歌曲, 我絕大部份沒聽過.

如果你想推介任何歌曲, 就替它們改詞吧, 我會找原曲來聽的, 希望你重拾填詞的筆桿.
匿名說…
談起停止, 其實這是讓慣常讀者陷入兩難的事實
既不想看到常去的blog不再更新, 但又不希望違背blog主的意願,更何況,blog主心灰意冷的原因是很易明白, 悲哀得不能的事實

這人是外國留學生, 本身已甚少跟香港流行樂有直接接觸 - 是blog主讓我知道至少還有什麼遺漏的歌能聽的
然而, 若網上寫好音樂的blog少了, 還有什麼方法去讓更多人接觸好音樂呢?
這人向來都有寫冷門日本音樂評論的習慣, 儘管明白冷門很難受大眾歡迎, 但如果有人因為看了評論而去尋找甚至喜歡上那音樂的話, 大概是各網上樂評最希望的事情吧
而Blog主的blog就是有這樣的力量

這四星期就好好休息吧
匿名說…
我的心態是,預先已經將它設定爲一堆垃圾,然後時不時竟然可以被我撿到一些完好無缺和美麗動人,那是很值得驚喜的。所以冒昧提一點小小建議,何不將心態也降低一級呢。
不過愛之深恨之切,可能我只是沒有blog主愛得深,所以才不會恨得深吧。無論如何祝願你早日平復。
ps,樓上一明提議,重拾填詞的筆桿,也不錯啊,呵呵
匿名說…
真的決定了...?
本人為中學生一名 眼見身邊好友已經少聽香港歌 少留意香港樂壇
大都轉聽英文歌 台灣歌 更什的日文.
能跟我談論香港樂壇的 真的不多了...
若此blog不再寫... 我想 以後我也不可以從多角度留意香港樂壇了.
有關ivana的篇幅. 有獎當然好
但無獎 我也不見得如此悲哀
是好音樂 自然有人欣賞和喜愛
自然有fans 自然有人知道ivana的名字啊!
我亦有好友跟我一樣 喜歡ivana
我們也不會放棄我們喜愛的音樂!
樂壇變質.音樂變質.
但 我們一定可以找到好音樂的!
匿名說…
其實我都好鍾意王宛之架,佢唱d歌好好聽。
只是,佢入得行太早太早。噢,我說得不對,是不該入行才對。
因為,現在的樂壇只是變成一個分豬肉的地方。
對現在的樂壇,我只好歎息,只希望,謝安琪方大同王宛之張敬軒能夠挽救樂壇......
但是,有可能咩?
無論佢地唱歌幾好聽,得不到該有的回報,就沒有推動佢地的動力,遲下樂壇咪又係死氣沉沉!
我很想問﹕利益,真的重要嗎?
就因為這樣,就要咁樣令樂壇吸引力下降?樂壇變成遊樂場?
不不不﹗we need charge!
求blog主不要關blog吧!
相信我們的力量能推動樂壇的變更!
正所謂﹕只要有恆心,鐵柱磨成針!
樂壇一定有希望!
匿名說…
其實而家香港樂壇算係幾好o架啦,D歌手們咁俾心機唱歌,作歌(除左有些齋靠個樣o既所謂「歌手」),係D頒獎禮搞到粒粒亂o者......

唔好嬲啦......樂壇靠你發聲o架!
匿名說…
網主呀!既然香港樂壇頒獎禮咁disgusting,連你都冇埋,只會令更多人墮入封閉思想,被幾個台牢牢操控,冇你再幫一D有實力但冇「台」賞識的歌手們點算???如果對佢地失望,你應該更努力地寫,寫好歌好碟好歌手......就算末代皇朝都不乏一眾熱血保「歌」衛「壇」之士,三思三思呀!
bernice說…
现在的奖项都是唱片公司在争猪肉,早已违背了奖项鼓励歌手,推动乐坛动力的原则。
现在的歌手反而更需要听众和乐评人支持,那才是他们最强大的动力。

香港乐坛还是有很多很棒的歌手音乐人等着我们支持,希望blog主可以继续写下去,不要再去管什么奖项。其实只要音乐好听,管它把奖颁给谁。
匿名說…
嘩,無上黎幾日,呢邊仲熱鬧過『熱鬧樂壇』XD。當CD到左越賣越難賣既日子,區區商台何德何能『推動樂壇』?!難道要佢幫眾歌手既唱片保底包銷嗎?!時勢做英雄,當王若琳係香港零宣傳下可以賣兩萬張,當盧廣仲可以靠youtube網友支持而出到碟,可想而知依家『民意』對推動音樂變得幾咁重要,好音樂更需要新平臺——網絡既宣傳推廣,所以懇請你利用呢幾年建立既小小知名度,繼續推廣好音樂、好歌手。依家做到你咁相對中肯既音樂評論已經買少見少了,灰心過后,請收拾心情再上路,加油!
匿名說…
話晒大家都睇你寫咁耐(包括我)
呢排忙到咁我都黎留隻字(所以呢個月中推介又無左喇)

理得佢903變997
一日有人係華人社會出唱片,特別係廣東碟,我地都應該以我地角度介紹覺得好聽既音樂俾大家
網上力量越黎越大,遲d果d唔入流既媒體自然要自我檢討點解俾人淘汰

抖下好喇,咪收筆呀!
匿名說…
而家的传媒的确很让人失望。但係如果连港乐这个最后的真谛都冇埋恐怕会让我们大家更加失望。索引希望能继续为我们推荐好歌。介绍真正倍心机做音乐的幕前幕后
匿名說…
唔講咁多啦。
只係講唔睇你個Blog我會更加笑唔出
不過如果你唔寫呢度而去填詞
我會更加期待既XDDDDD

休息,為左行更遠既路呀老細*
匿名說…
在下也是第一次留言的
卻也想不到要在這個時候......
同以上各位的留言者一樣
我十分喜歡這個blog呀
我每星期都會追看這個blog,也差不多有一年了
因為我覺得這個是真真正正願意為香港樂壇說真話,作中肯的評論的一個blog
無可否認,本人對於本地樂壇的頒獎典禮已經死心(十分不滿ivana總是成為犧牲品)
但是,本港樂壇仍是有不少對音樂有熱誠,默默耕耘的音樂人啊
如果沒有你的推廣
又如何令更多人對這些音樂人有更多的認識呢
所以啊,請你十要放棄這個blog啊
要change,也總要發聲,才能讓更多人明白你的心意啊
匿名說…
或許你真的感到很失望,但你想想,早一、兩年你不是經常於blog中稱讚謝安琪的嗎?你看,她今年的成績不是很好嗎?她不是得到很多人的認同嗎?我相信好的歌手必定有人欣賞的,謝安琪可以,王菀之亦可以...但若果你放棄支持這些歌手,你想他們還會有出頭之日嗎?
KLY說…
作為一個聽左5-6年的903聽眾
我好明白blog主果種失望同灰心
試問有邊個會估到903係依1-2年內竟然會自甘墮落到同997相差不遠既地步?
今年個口號重學人講乜野"自己鬥自己"......
算吧啦

唉,雖然我都好唔想blog主你停寫
但時間已經好無奈咁証明左,一小部份人既力量其實真係無辦法去改變依個接近末期cancer既香港樂壇

要change,我諗唯有等到佢正式死亡,輪迴轉世
匿名說…
I can't agree more for what you have said about 903.
One example: Hacken Lee's first plug of the year is totally ignored in that channel (get 1 or 2 airplay per week). I don't expect it to get No.1 on the chart because I understand they have their own preference. However, I think they should at least give an appropriate play time (10 times per week) for a singer who show his heart in this dying industry to promote his new song, right? I think the audiences have to right to choose, right? As a prominent media to promote music, is't it their responsibility to give audiences the right to choose? I think what they are doing is NOT RESPECTING music.
"Good song with good reward" is simply a joke when we look at what 903 have done in recent years.
匿名說…
愛之深責之切! blog 主對樂壇對903 的心,大家都有眼見。樂壇一池死水非今日的事,轉變的年代,是需要過度的,不是一朝一夕可以做到。我又覺得,都要還903 一個公道,方大同,ivana 都係903 播起的,幾時有第二個台撐過佢地? kay就早在姿色份子獨立公司年代已撐,非轉入大公司之後的事。除了他們,農夫,張繼聰等都係得佢地一個台撐。咁你都唔可以話佢地只係撐大牌。生意歸生意,都唔可以一面倒只做新勢力的,過度都要d時間。
匿名說…
903就不寫也罷~
不過寫樂評仍然要靠你架!
等你返黎呀!
苦哥說…
我很欣賞Blog主對香港樂壇獨特並有見地的見解。我也是一個商台的聽眾,我亦深知你所顧慮的事。我想向樓主奉勸一句,若你真的支持香港樂壇,請不要把年尾的頒獎禮看得這麼重。我想你都知道,除了那間公營的之外,商台與別的那間都是私營的,他們不是靠我們納稅人來糊口的!!903都要靠這個賣物會賺錢。而且,得獎的歌手未必是得到完全的肯定,還有其他的因素,譬如說你說的Ivana,單是這裡,都有一群的支持者。這才是實際的,他們支持才是歌手的成績單表,要是計獎,不如統計一下支持度還實際,還有公信力。
匿名說…
沒錯,香港樂壇的確不斷在自尋死路,這是無可厚非,也明白你對樂壇的那份失望,不過,話雖如此,你如果以無限期停止更新來表明你對樂壇的心死,這未免太可惜吧,更何況你根本不值得為一厥不振的香港樂壇放棄你對音樂的欣賞價值,作為你的讀者,當然不希望因此失去1個評論音樂的平台,而作為1個樂迷,仍然希望有1絲的聲音可以支援那些努力不懈而不被重視的歌手,難道這裡幾十多個留言都比不上你對樂壇的心灰意冷嗎?

我相信仍然有許多讀者希望你能繼續為大眾樂迷發表心聲
匿名說…
holfyuen,,
你見到有咁多人留意叫你唔好停左呢個blog,
咁點解你連一個回應都無呢?!
本人都好希望你可以繼續寫落去,真心既!
但無論點都好,我相信各位讀者都會支持同埋尊重你既決定!
香港樂壇需要你黎斥、需要你黎測!
而...香港人就更需要你中肯既意見,需要你既方向..你係為大家聽流行樂既嚮導=)

呀金
匿名說…
希望你繼續寫樂評...
包括歌曲好聽與否...推介唱片...演唱會後記呢類..
但係冇903 歌曲統計呢d呢...就可以唔寫...
我一早都知係唔公正..所以唔洗咁重視..
所以你平日寫有關頒獎o既野我都多數唔睇..
匿名說…
所謂的獎項不是一切
只是一場無聊的爛騷
心知肚明是怎樣的一回事
看了這麼多年還不夠明白?
心死至停筆
也不好勉強

別忘了默默耕耘的小眾
等你
匿名說…
其實睇左咁耐呢個blog,主要因為有好多共鳴
903拉靜樂壇,blog主就不要放咁多心機落去斥測903度囉
香港樂壇唔係咁悲觀,我們仍然有人山人海,亦有王菀之,方大同等新人,好音樂仍然值得我們去支持
不如blog主多寫碟評,多介紹一d值得我們去認識既音樂人和音樂,有時改改方向也是好事
匿名說…
對903真的越來越失望, 近年甚至抗拒.

每日的節目就像是製造噪音, 嘩嘩嘩!嘩嘩嘩!日又嘩夜又嘩, 跟住一個弄權結黨由大鄉里變了貴婦的人喪笑一分鐘:"哈哈哈哈.哈.哈哈哈哈....哈哈哈哈..."唔知佢笑乜, 只覺得好吵耳. 大佬, 我要音樂呀, 如果你唔俾音樂我, 不如重做"無人駕駛"節目好過.

曾幾何時的叱咤頒獎禮, 幾乎個個上台歌手喊到劈屎咁, 點解呀? 因為個獎真係辛苦經營捱番黎, 因為感受到在整個商業化樂壇中仲有一整個團體撑他們的努力, 俾佢地認同的感動! 現在.....最有實力的人只能在頒獎禮上過場做表演嘉賓, 跟住主持人走出黎講句:"我地一齊對呢班唱作人致敬...." 吓咁就算數? 真係 =O= 哂咀.....

難怪已經離去的人廿年前已經講:"香港冇樂壇, 只有娛樂圈!" 一衆講說話都未講得正成首歌已經平key冇高低音都走音, 只係識得企喺度擺靚靚的偶像歌手們, 醜字點寫? 相信你地天天夜生活索K之餘, 都有睇吓人地D節目0卦? 就講最熱門的"超級星光大道", 人地是但抽一個歌手都贏你九條街, 乜野叫做羞愧? 香港市場難道就只能出到"殘酷一叮"呢類小丑節目? 你地都唔專業, 人地點様"專業推介"? 惟有"跟order推介" =.='

siuyeah
匿名說…
Hello.... please don't stop writing ...i am from Kuala Lumpur, Malaysia. I have been reading ur blog since 2006.... ur blog is cool ....without ur blog, i wouldn't have chance to know music of Kay, Ivana, Pixel Toy, at17, Eunix, Ama ........... ur are the 'icon' of good hk pop music ....
匿名說…
舊年叱咤,俞琤答應大家在未來嘅每一個十年將會繼續精彩紛呈,做得更好。
但我見到而家嘅叱咤903,恐怕佢呢個承諾......會比較難兌現。


我十分認同blog主你嘅講法,作為一個年青社群之中最具影響力嘅電台係唔應該存有呢種封建階級思想,應該俾新人一個機會,令佢有動力做好音樂,為香港樂壇甚至整個流行文化帶來新希望!

以前903真係捧左好多用心做好音樂,唱好樂壇嘅歌手架,但係而家.......唔駛多講啦......

希望903有番多D改善啦......
匿名說…
停下又一個,停下又一個,好無奈。

不如咁講,對頒獎禮失望,不等如對香港的樂壇失望。休息一會都好,可以繼續再前行。

好講真一句,對 903 非常失望是絕對認同,但香港樂壇其實已經變緊,已經唔係死谷爛谷就可以hit 的那個年代。既然係咁,隨心吧!

繼續聽自己愛聽的,寫自己愛寫的,勿為那些無聊的計數遊戲而影響自己愛的.....

休息一陣好喇!Mr 隻碟真係唔錯,等你推介呀!
匿名說…
off topic 無知一問,
其實電台DJ 有冇權揀歌播?
doric說…
沒想過第一次留言竟因為這樣,我追看你的blog應該有一年多吧!

商台的崩壞是眾所周知的,作為年資約十年的聽眾,也漸漸忘記當年的903是如何一個模樣,那些森美小儀還真的好笑,還有苦榮的日子……直到近年,連最應該做得好的頒獎禮也漸變成鬧劇一場,由頒獎愈來愈無說服力,到整個節目本身也愈來愈無聊,甚至炒冷飯。讀完四十九個回應,我相信我不是唯一一個如此認為的人。

但是,但是音樂和頒獎禮是應該分開的,應該說,兩者如果可以相關就最好,但不能的時候,就算吧!聽眾也不是傻的,讀blog者如是,沒有了電台,我們還有網上的力量,成功的例子上面都有人說過了,所以,就是因為903的崩壞,我們更需要你的一枝筆。

如若沒有這裡,要我再次忍受903的噪音,和dj們不知所謂的歌曲選擇(當然還有每下愈況的節目質素),我想香港樂壇應該至少會失去一個支持者。
匿名說…
你寫王菀之隻碟最後一句的意思原來係咁, 仲以為你對佢的喜愛已經大減(好似我咁)

女歌手雖然係幾令人失望, 但慶幸方大同今年將會殺出一條血路 (佢最好拎埋金啦), Juno 亦都會有抬頭之日. 公道d講, 香港樂壇雖然係好差, 但未至於你所講到咁差

在下睇左你個blog已經差唔多三年, 絕對會尊重閣下的選擇
匿名說…
樓主你無須勞氣,你既樂評唔係為香港樂壇而寫,而係為音樂而寫,香港人係有眼睇,有耳聽既~
即管睇下已變質既商台如果自堀墳墓...
匿名說…
唉...點解香港樂壇搞成咁...
點都好, 我仲覺得香港樂壇都未算跌落谷底, 少極都可能有番生既機會
我唔信903可以支配晒成個樂壇囉, 見到903一直變到咁, 我都好失望
btw, 希望你唔好放棄, 香港樂評靠晒你
匿名說…
903真的太令人失望了



請不要停寫
差的事情需要一些聲音去反對.
沒反對聲音
會沒有人知道有人反對的...

不要停不要停 不 要 停

please.
匿名說…
當主流媒體不能夠擔當推動樂壇的角色,這些網誌,更應該保留下去,不斷更新,擔當推動樂壇的角色。特別是那些「頒獎典禮」的公信力受到質疑的時候,我們更需要像你這些真心希望推動樂壇的人,來”斥測樂壇”。

相信令更多人認識好音樂,是你當初開這個網誌的原意吧?
匿名說…
一大堆的意見回覆十居八九都是支持者
把商台罵到體無完膚
我感到奇怪, 原來沒有反對作者的意見
意見內容會經過過濾嗎?
還是受到作者這麼漂亮的煽情文字影響?

這一處統統提出不支持 903的意見
與其在這裡反對 甚至 監察
太遙遠了吧
除非可確保 Jim 日日都到這裡看文章吧
為何不直接表示自己的意見, 向商台反應
起碼一定會有有關人士留意吧
wisely說…
To MASA,
I think most of the comment are supporting the host is becuase most of us are regualr readers and we share the similar belief to keep on reading this blog.
The main reason I leave messages here is to support the host and hope he can continue his blog (to promote good canton-pop to us), and the bad comment on 903 is just a way of acknowledgement.
I don't expect what we wrote hre will have any impact on 903 (just 50+ messages compare to the whole audience popluation...) and frankly, we don't need 903 to promote good music to us in this era.


To host,
We all see what's happened in 903 in the recent years. The air-play format is both the blessing and the curse to 903. On one hand, it can give the young audiences the sense of involvement throuhgout the whole year, on the other hand it just restricts the airplay preference (to accomodate the year-end result) especially in the last 3 months of the year. And I agree that 903 has lost its primary role as music promoter in the last few months of the year because of this game of airplay counting...
I agree that you should stop writing review/comment (even bad comment) on 903 because any noise is a form of promotion to them. Just let's the hype/magic about 903 ceremony died by its own corruption.
Like the stock market, "bear 3" is when everyone stop talking about stock, and usually it's the time for the bull's reborn.
I apprepriate your right to stop this blog but I really hope you can continue writing review of good canton-pop ablums in this blog. All those airplay counting and forcast of year-end result, just leave it to others who still believe in 903. Don't waste your time on that.
匿名說…
Okay.
Then, it is so interesting blog and replies.
Replies do not give the constructive message to the whole music industry in Hong Kong, besides 903. What is the purpose of here that? Just show yours anger only without providing valuable suggestions to it?
Maybe I understand that readers of this blog can provide "excellent replies" only when the 903 is disappointing to them. If 903 have been improved, less replies would be made. Is it right?
Come on, would all of you perform it in real not just sitting there and speak meaningless? And, although you are supporting the host, please do not create that host is the god of music industry in Hong Kong. It's because his words are the golden words in terms of readers here. Please be objective one.
異鄉人說…
如果你真的要關blog的話,我會支持你,因為樂壇越來越多行貨,甚至是劣貨,有時候我連某些歌手唱過甚麼歌都不知道.

而且:

1.填詞人,十多年來只寫情歌,難道只有愛情這個主題可以寫嗎?

2.編曲人,你們知不知道近年歌曲無新意的原因嗎?

3.音樂人,光有林夕寫好歌有甚麼用?再厲害的人也有江郎才盡的時候.

4.唱片監製們,不要依賴市場導向了,有特色才是賣點.
匿名說…
903係咪真係有人上黎睇架呢?
奇怪播,ivana無啦啦上榜,方大同失驚無神殺入第七
KLY說…
原來903果邊真係有人睇到喎..

http://www.facebook.com/topic.php?uid=93193525047&topic=7221
Unknown說…
Ivana 出道以來最差的一年你先咁樣同佢抱不平, 有啲無理取鬧, 今年真係佢自己差梗啲, 唯有下年再努力
另外, 你對楊千嬅真係有唔少偏見, wonder miriam 未拍得住 電光幻影, 但係今時今日既樂壇, 至少係中上貨色
撈月亮的人首歌係正, 903 播得多有咩問題?
反而你個榜只上一週就真係 O嘴
異鄉人說…
子光:

他不是第一年為ivana抱打不平,欲知詳情請睇他的留言.
匿名說…
to子光:

要為楊千嬅平凡請不要以扁蓋全,你又不去提903將大慈善家以致啦啦誇啦啦播到成為冠軍歌?

wonder miriam真係中上貨色?就算係,唔通無上等貨色俾903播?藍奕邦唔播,黃耀明唔谷,李卓庭上年捧完今年無支持,盧廣仲學人谷播一隻之後就唔播,人地以為呢個係單曲歌手,李克勤繼續間曷性支持,自己鬥自己?歌手鬥夏至同商台高層就真
KLY說…
子光:

wonder miriam 叫中上質數?唔好羅其他人既碟黎比較先,
連千嬅以前既Unlimted甚至M vs M上下半場既一半質數都無!
同埋街外既評語都一置認為只係比meridian好小小,但比起以前金牌同新藝寶時期,
係拍馬都追唔上.

如果咁都羅到至尊碟,我相信好多人都唔會再對903再抱任何希望,依d唔係偏見,係客觀既事實.
匿名說…
903唔知係咪睇到你既不滿...'多愁善感'同'如果愛'終於上榜,903係冇以前咁好,不過已經好過各大電子傳媒啦,起碼肯捧新人,近年'謝安琪'都係比佢地帶起先咋
匿名說…
我都明白為筆者為何會心灰意冷
怪只怪傳媒被支配
你奈佢地唔何

香港樂壇死就是因為沒人拯救
如果連有心人都放棄
那真是沒有辦法了

相信holfyuen你也不想看到樂壇落得如斯田地
何不學學特首視民望如浮雲
視獎項如浮雲也未嘗不是好事
付出不是計較獎項吧

只少不要放棄
才會令香港樂壇重燃希望
匿名說…
其實903早已遺背純粹推動樂壇,近年每逢年尾埋數之時,樂壇大哥大姐的歌必佔良好位置。然而,我只能說903,固然是「商業」性質的電台,只能在商業與推動樂壇之間採取某種平衡,它既不能完全推動樂壇而忽略普羅大眾的口味(指非專業樂迷的)及影響廣告收益,它又不能為保收入而「推靜」樂壇。903唯有在自己的難處下,嘗試慢慢捀紅其他歌手,如KAY、農夫、IVANA...

因此,樂迷一早就不該相信903是完全為推動樂壇而出發,所以BLOG主何必介懷903的取态,而巟廢自己對流行音樂的洞察力呢。
匿名說…
不要關blog,
如果唔係又少一個衛道之士!
其實,我都對香港音樂好失望...
商業味太重,情歌太多,偶像派嘅,得個樣嘅都太多,睇吓,拍拍吓戲又出碟,香港樂壇几時變咗做善堂??可以容納唔識唱歌的人.有時候,不免會與其他地方相比,好想問到底香港搞咩?唉...曲詞編唱,搞咩???成日係唔係都翻唱人哋作品,仲要係整衰原本首歌.好求其囉...
匿名說…
這只是因為Blog主經常高估903的DJ(從Blog主的Blog中可看得出Blog主是903的fans)
但請Blog主不要把一個年終頒獎禮看作是整個樂壇
這種想法不健康之餘也阻礙了Blog主對歌曲的評價
匿名說…
一定要 close 咗呢度佢!

既然 903 都唔可以堅持做到推動樂壇

試問一個小小市民點樣可以靠一個 blog 去改變樂壇呢?

大家唔好咁天真!

希望Holf Yuen你可以停一停

或者,當呢個樂壇唔再有生氣,唔再有進步嘅時候,先至會有變化!

十卜你!
匿名說…
blog主為何只字不提連續拎佐9年(計埋今年)叱吒女歌手既容祖兒。
距係度名副其實既阻住個地球轉。
有距一日係度,第D2線歌手都幾難上位.
匿名說…
原來王菀之冇獎係因爲楊千嬅,
咁楊千嬅06年冇獎係因爲邊個?

如果原來排第四嘅係容祖兒,
咁又如何?

你而家只不過係指桑駡槐,
搵人出下氣。

你在意嘅根本唔係個樂壇點,
你都係想睇下有冇獎姐。
如果ivana今年有獎,楊千嬅冇獎,
你一樣可以繼續隻眼開隻眼閉,繼續粉飾太平。

大家都唔係第一年睇頒獎禮,
903都唔係第一年係咁,
控制airplay都好過臨門韃Q玩調位。

楊千嬅已經試過好多年畀人調位。
咁理論上,楊千嬅歌迷個個都肯定對樂壇死心。

之但係,獎唔係一切,
如果冇獎就唔玩,咁個樂壇仲會繼續衰。

ivana冇獎都會繼續唱,
咁你會唔會繼續寫?

p.s.

至尊碟肯定係binary,毫無疑問,airplay已經説明一切。但問心,除咗方大同嘅未來,我唔覺得今年有邊張唱片值得攞至尊,謝安琪不過係久休復出加少少人雲亦雲再加少少趨之若鶩。
匿名說…
真係好笑,
咁唔通容小姐值得攞女金?

你見到人哋楊千嬅年尾追上你ivana,
跟住又係度插人。

一早就已經跑出200幾ap、
令ivana追都冇得追嘅容祖兒就只字不提。

airplay不嬲都係903話事ga啦,
希望明年903從1月1號就開始玩嘢,
上半年就拉大top3同後面其他女歌手嘅距離,
咁就大家都可以安樂。

我真係唔明,篇篇碟評都寫得咁好,
你閙903,閙樂壇,都閙得好。

但係一講到ivana就似乎有失偏頗。

anyway,希望你可以繼續寫落去,
大家都鍾意ivana,當然想佢攞獎,
但問題係,唔關楊小姐事囉,
而且wonder miriam喺現今樂壇都算交到功課,好過出精選碟。
匿名說…
blog主針對既只係903『不思進取』既播歌態度,提到既ivana 或者楊千嬅都係舉例說明而已,并無針對歌手本身吧,類似例子何止以上兩位女歌手!如果blog主因為個人原因停寫,我會絕對尊重,不過若果係因為對903失望而停寫blog就真係太傻太天真,903唔會因為咁而有任何改變(盡管眼下方大同有機會首入歌手三甲),畢竟呢個blog唔係為903而存在,而係為好音樂而存在,仍然期待你下次更新,加油!
Unknown說…
在傳媒,電台和唱片公司關係複雜下,香港樂壇已去到絕對比其他亞洲地方落後的地位!
1. 為了數量而不則重質量的盼獎典禮,傾唔掂數下,唱片公司會杯葛?

2. 近十年所有大hit歌曲,又或某些歌手的一張專輯內,作詞的都是林夕, 又或黃偉文,如不是他倆想hit都難, 特別是903

3. 早兩年湧現了一批又唱得又有才華,不需靠外型,加上受到樂迷認同的歌手如張敬軒,kay,ivana,janice,justin,at17.....應該是改朝換代的時候, 但電台仍保守地停留在那些一線歌手上, 樂壇怎能進步?

4. 兩台電台主要流行榜(當然不計新城)的差別十分大,某星期二十名的排名中只有三首歌相同,究竟流行曲指標在那裡?

......
異鄉人說…
上面有人提到:既然 903 都唔可以堅持做到推動樂壇,試問一個小小市民點樣可以靠一個 blog 去改變樂壇呢?

我的看法完全不一樣,holf yuen幾年來的努力沒有白費,現在已經有不少人支持,亦有人轉貼這裡的統計分析.

況且,每個歌手曾經是小市民,如果不是由小市民蛻變而成,香港的天王天后來自那裡?
Dommywalker說…
i just found out about this blog and read a few of the old entries. I don't think I have ever met anyone who has his music's opinion as close as mine. it's a little scary. as far as closing the blog because of your frustration of the music industry, of course i will be disappointed, but i will support you if you think that's the right thing to do.
Unknown說…
頒獎典禮根本算不上什麼, 真正想聽好音樂的「聆聽者」會將得獎作品和好作品劃上等號? 會將頒獎典禮作為接觸新音樂的參考?

「斥測樂壇」唔繼續, 對我而言就少左一個推介新音樂的地方。

blog主請繼續寫! 你的推介不論是冷門或熱門, 我都會去聽, 只因你我同是愛音樂之人。
Music Essays說…
回復Jason:
我認同你嘅觀點,但絕對唔認同你嘅理據。
至尊歌填詞係林夕或者wyman點解一定係人爲?就算人爲點解一定係電台事?
唱片公司為咗一首有機會大hit嘅歌更加穩陣會紅,同埋有更高質素嘅詞作,俾知名填詞人填有乜問題?
你講電台仲停留係怪獸v傑青時代舉咗D新血例子,Janice and Justin我係唔認同嘅。如果你有聽佢最近三張碟(佢大碟其實淨係出咗4張),就會發覺聽佢成張碟好似聽緊一首歌咁,雷同不但止,仲首首慢版苦情歌。而Justin,最近兩張大碟都好hea,晒咗佢D才華。
最後最唔認同嘅係903同rthk個榜點解要一致?一致仲有咩必要存在兩個榜?衆所周知,兩台音樂取向根本唔同:903講求質素、新鮮感同埋non-pop;而rthk偏重高質素pop同埋首歌hit嘅程度。明明聽衆可以根據個人喜好對各取所需,體現咗不同媒體嘅選擇多樣性。
Unknown說…
回復phil

如果你認為你的意見是對樂壇是一個健康的現象,那本人的確無話可說. 回想80/90年代曲詞唱百花齊放,相比現在的境况真是有点感嘆.

janice/justin 嘅唱功相比某些所謂的一線歌手的確高好多,是否值得豉勵同支持呢?

兩台流行曲指標差別太大,對於歌手與唱片公司造唱片或推銷歌曲的確有困難, HOCC就是一個好例子,到至今仍未得到一首十大中文金曲.所謂推動樂壇的確需要多方面的配合.

...唉.....到此為止 !
匿名說…
如果有甚麼令楊千嬅配不起至尊大碟,就是那首《啦啦誇啦啦》,有一點思想和品味的人,都一定不會唱和欣賞這種歌,你能夠想像到陳奕迅和何韻詩唱這種歌詞嗎?

肯唱這首歌,顯示出楊千嬅品味低劣,即使碟中尚有《撈月亮的人》這種不錯的歌曲,仍然瑜不掩瑕。

何況楊千嬅碟中並沒有任何一首歌曲能於知名度或質素及得上謝安琪的《囍帖街》這首年度金曲,坦白說《撈月亮的人》雖然好聽,依然比不上《囍帖街》。至尊大碟理應是全年最出色的唱碟,但碟中竟然沒有任何一首大熱之作,論人氣,如果不是叱吒903奇怪地力捧大碟第四主打,《撈月亮的人》根本不會有太多人留意。即使如此,這首歌的受歡迎程度肯定仍然及不上《囍帖街》、《櫻花樹下》甚至是《韻律泳》這些公認的人氣歌曲。

撇除《囍帖街》和《撈月亮的人》,【Binary】和【Wonder Miriam】(也不計歌詞質素差劣的《啦啦誇啦啦》)剩下的歌曲去比較,個人會偏好前者,但以樂迷整體評價而言,不論質素還是人氣也最多是打平。既然不論人氣還是質素,《囍帖街》都比《撈月亮的人》優勝,而【Wonder Miriam】更有《啦啦誇啦啦》這種爛蘋果,謝安琪的【Binary】明顯更配得上至尊大碟的稱謂吧。因此Holf Yuen這點的抱怨的確合理。

坦白說,個人認為楊千嬅這年的表現確比王菀之配得上叱吒女歌手銅獎,王菀之只出一隻廣東碟,碟中更只有三首新歌,其餘都是舊歌,好聽點便是創作生涯的小總結,難聽的就是誠意不足,與精選碟沒有分別。也許有人說創作一整隻大碟可不容易,但事實上是王菀之今年成績不佳。

去年謝安琪拿銅獎,憑的不只【3/8】精選碟內的三首新歌,還有《節外生枝》、《後窗知己》和《第一天》出現於另一張「新曲+舊歌新編」的唱碟上,加起來全年也有六首新歌,當中五首在2008年派了台,加上去年其他女歌手都不爭氣(特別是楊千嬅),年尾還有《鍾無艷》這首大熱之作,否則謝安琪才未必配得起女歌手銅獎。

反觀王菀之不計迴響不大的國語碟,只有三首新曲,勉強算進改編得很厲害的《多愁善感》,加起來四首中沒有一首稱得上大熱之作,憑這種表現奪取女歌手銅獎,這才是不合理吧。

不過,我覺得《我來自火星》值得進入叱吒十大,以這首歌的質素和反應,拿十大也算合理。

[紙花]
匿名說…
有篇文章都講得好arm概:
http://hk.news.yahoo.com/article/081130/4/9i4b.html
最後兩段更中...
[龍]
匿名說…
所以與其硬碰,藍奕邦都要將佢隻《奕》延期等啲頒獎禮完哂先出啦...廢事嘥心機..
匿名說…
紙花君:

歌迷今年就見倒王菀之呢一年主力係做演唱會啦...

2場個人 一場Moov Live 1+1場拉闊 好快仲有東亞... 當然亦有兩站張敬軒演唱會!

(不過我諗今年女銅係何韻菇的話,比起千fa或者Ivana更合理,囉...八十幾個post,得你有提起佢...個名)
匿名說…
《啦啦跨啦啦》如果以歌質素比較,當然不及其他流行曲,但睇番創作班底,作曲係天比高既人,填詞係林日曦,唱片公司仍然肯將首歌放入大碟內,計番錢俾番版權credit,呢種嘗試試問邊個願意去做?

當然你會話呢個program係商台搞,唱片公司以商業角度出發,要同電台及卡拉ok公司合作,但無人話過宣傳歌一定係新歌,大可學泳兒,Ivana或Niki用舊歌改,不論係《啦啦跨啦啦》定係《良民皆保》,加州紅都會將首歌變成no.1 song
匿名說…
好在Holf Yuen唔係梁詠琪fans,
否則呢個blog根本就唔會出現...

Gigi都算係唱作歌手,
而且903年年都ban佢,
按你嘅説法,呢個樂壇從97年開始就已經衰咗...
匿名說…
我系千嬅FANS,我唔明《WONDER MIRIAM》AP仲《BINARY》成几十成百点,今年有得翻一个月,点解个个都认为好似WM摞硬至尊甘

我觉得千嬅真系一个唔会争奖同支持乐坛噶人啦,作为天后就算明知零鸡蛋都照出席典礼呢点气度边个有?

06年口碑极佳〈UNLIMITED〉一个奖都无距又要怨边个?怨公司无帮距争奖啊?

03年903AP够摞女金又被容祖儿调位距怨边个啊?

03年〈MAKE UP〉口碑好06年口碑极佳〈UNLIMITED〉903唔谷唔撑又要怨边个?

04年〈小城大事〉被〈美中不足〉调位摞唔到至尊歌又怨边个啊?

如果作者你觉得IVANA甘样就叫惨噶话我举呢D例子安抚你情绪,等你知道冤噶唔只得IVANA一个,比距惨噶仲有千嬅等等等歌手

你至于边个公司先最中意争奖同最中意欺压晚辈大家心知肚明,我都无谓再讲
匿名說…
你都識得講系遊戲
就吾好俾佢影響到

不過 可以見到
方大同身為比較新的歌手
ap都可以甘高
903未必太差
今年kay ap都好高啦

張敬軒上年出頭了
ivana的機會系有既
大家都吾知下年事ma..
匿名說…
其實我覺得你部分的觀點是有不錯的, 不過一提及王菀之就明顯過份主觀. 你可以有你的看法, 她也是一個不錯的歌手, 但平心而論, 我覺得903己給了她很多機會, 有歧視唱作人嗎,如果她不是唱作人, 根本未必能走到現在的位置. 唱作人以外的奬項,競爭必然更加大. 未攞過叱吒十大,但的確她也沒有一首很大熱很有機會的一首歌, 我懷疑她最為人熟悉的歌仍然是"我真的受傷了", 我也很喜歡"畫意", 但也不見得這首hit. 吳雨霏,鄭融,薛凱琪的口碑不比她高, 但論歌是真的比較受歡迎. 論女歌手三甲, 衛蘭和謝安琪得獎的那年也很值得,也不見得王菀之得不到有什麼不平公的地方.

903仍然有我不認同的地方,但我也見到它有份推介現在彈了出來的新力軍. 但要長江後浪推前浪,其實也要後浪有足夠的氣勢才能成事,至少也要像謝安琪有首"喜帖街"吧.
匿名說…
本人係中學生,
因為追看你個blog,
我認識到方大同and謝安琪等好歌手
因為追看你個blog,
我知道咩叫做''音樂''

我從小學已經開始追看你個blog,
我覺得你個blog ge影響力遠超過你GE想像
我仲細個,唔係好識點表達,
不過,我真係覺得你可以令人重視到樂壇GE毛病
匿名說…
對於樓主的怨憤絕對認同,不過,最諷刺係,你有你不滿,那邊廂又有人每日樂此不疲兼緊張兮兮地報數計算903的播放率

OK,民間咁緊張日日報數,正中903下懷啦,於是Ivana忽然以"多愁善感"上榜,"Wonder Miriam"忽然好似有機會贏至尊,Joey忽然好似有機會過Kay贏女金,Eason忽然發力好似追到大同....

你緊張嘛?咪益左操弄數字的903,多謝你地變相幫佢做宣傳都黎唔切.變質變到咁,的確令人失望.都幾覺得真小人狂頒豬肉獎的新城,比偽君子903可愛呀

講多一句,見好多留言話樓主一講起Ivana就太主觀.Ha?自己寫blog都唔可以主觀?咁不如慳番啖氣
匿名說…
我系广州人,写简体字,而家用字码转换工具写BIG5字,希望大家睇得明啦
关注呢个BLOG超过3年了,突然见到BLOG主话唔写,真系几失落。讲真,广东歌伴随我成长,由校长到学友到陈奕迅李克勤,都好中意。讲到尾,始终系母语歌比较有认同感,始终唔一样。的确最近10年Canto POP一直衰落紧,我听广东歌亦越来越少。本来准备咩时候陈奕迅李克勤退休就唔再听咯。不过前几年见到呢个BLOG,先知道原来仲有其他好的粤语音乐。

如果BLOG主停写,估计我可能在张敬轩、王菀之、谢安琪收山之后,就不再听流行歌。因为已经冇人再佄样去介绍这些鲜为人知的好音乐(至少我唔知啦)

流行榜讲到尾系一个游戏,如果主办人唔珍惜自己的羽毛,迟早会自己玩完。广东90年代初有几个流行榜曾经盛极一时,红遍全国。后来无以为继,903自己要步其后尘,BLOG主又何必劳气。坚持自己的信念就是了。

有的留言对BLOG主太严苛了,BLOG主系人,总有自己的喜好,何必苛求BLOG主一定要完全客观。即使我自己,对BLOG主的有些讲法也不太认同,但仍希望BLOG主继续写下去,让更多的同仁了解广东歌。我总不希望有朝一日,广东歌完全消失。

希望我们能共同努力。
回應樓上...
有主觀無問題....

但我同意之前有個comment....
ivana拿三甲真係差咁D....
唔係佢唔好...
但如果三甲女歌手無翻咁上下,
其實真係好難服眾....
而係hocc, kay, joey夾攻之下...
ivana都係差少少....
其實獎項都駛太過在乎啦~
最緊要佢地繼續俾到好歌我地聽未得lor~~~
匿名說…
終於忍唔住要留個言 哈哈...
我都係這個 blog 的長期讀者,
幾乎是每逢上網去完xanga facebook之後就會來這裡...

最近圍繞住樂壇頒獎禮的是是非非很多,
最為人知的當然係A唱片公司杯葛頒獎禮甲;
B唱片公司又杯葛頒獎禮乙云云...

睇過D歌手回應,孫耀威話咁做好嬲,
香港樂壇已經亂七八糟仲玩杯葛;
而陳奕迅又話歌手本身好團結,
唔團結的只係唱片公司...

佢地兩個正正講出現時香港樂壇的弊病:
官(頒獎禮機構)商(唱片公司)勾結,
好音樂因此而被埋沒在堆填區。

我明白你好心痛+好氣餒,不過你放棄的話,又少了一把聲音為香港樂壇發聲(好政治 @@")
第一個留言(K)最後一句:「更何況你已有一堆讀者?」
沒錯,你寫的東西不是沒人看,
人在做,天在看,我們也在看!

最後想講的係:四星期快到了...係時候出山喇~!!!等你! =)
匿名說…
看了你的BLOG一段時間,但第一次看你BLOG中留言(這個Topic很多人留言,不知你會不會看到)

很喜歡王苑之,你替她不值也很有感受,但就如你所言,大家已經開始知道如何聽音樂,知道如何分別好和壞的音樂而不完全(不是不受,只是不完全)受電台或電視台影響
所以......真的,好歌有好報係真的

希望你都可以平心靜氣睇下
Lee個BLOG的人對你的尊重,在HK,好少有D咁高質素的人回BLOG,如果將你的文章放到其他討論區中,他們的回應無point,無建設性,仲會好心無好報

咁多人上黎留言,咁多人睇你BLOG
好歌同好歌手係有人留意嫁

Thx
匿名說…
容X兒拎咗女金就算啦,仲要拎埋至尊碟。
隻碟D歌咁難聽都拎倒,真係造馬!
1月1日你地會否噓佢?
此留言已被作者移除。
乜聽歌唔係為左享受架咩?你理得人地頒D咩獎wor?難道這麽基本既concept你都唔記得?
學林峯話齋...放手,放開所有...
聽歌唔係為了歌手得到咩獎,而係自己得到享受(無辦法...人就係這麽自私)
就好似去食野,你唔會理人地有無獎,只要好食同岩你口味就得啦
仲有...4個星期就過完了...請守承諾!
匿名說…
回樓上某人

難聽與否是主觀
水準卻起碼有客觀標準
請不要把自己的主觀感受套在客觀標準上
不是你覺得難聽就代表質素參差
匿名說…
留下簡單的一句:)

如果無左你個BLOG,我會MISS左好多好歌好碟。