星期三, 8月 27, 2008

CC Music Chart啟動!

大家應該留意到右手邊的side bar出現了一個排行榜,這是本blog改革的其中一部份,推出一個自製的華語流行歌曲榜:CC Music Chart。

每週榜單將於週末時間揭曉,最近一期的會放在side bar給大家參考。第一次出街的是今年第34週,其實第26週開始已經進行內部試行,再之前的1-25週使用了「神奇修復術」參照各歌曲派台日期追溯而成。1-33週的紀錄暫定會用另一個blog儲存供大家參考。每期都會有簡短榜評。現只計算華語派台歌。

這個排行榜準則只有一個:就是自己聽歌的喜好,不會是公平公正,但一定是最貼近作為一個樂迷的聽歌歷程,我認為最值得推介給大家的作品,必定義無反顧的力谷。

設立每週的排行榜比現有的每首單曲簡評更能準確地反映每首歌的推介程度,也比每三個月一次的季結更快速貼近樂壇走勢(放心,這兩個欄目將來仍會存在)。衷心希望這個純粹出於個人喜好的排行榜,能夠成為大家接觸最新流行曲的一個很好的參考。

在適當的時候我會逐點向大家介紹這個流行榜的各種特色,和坊間的流行榜現象如何催生這個排行榜的出現。密切留意本週末的第35週排行榜,到時更有1-35週小結及形勢分析。

12 則留言:

  1. 我都好期待呢個, 好正呀!
    你個blog改左革應該會愈黎愈多精彩野, 愈黎愈好玩咁!
    有d期待你之前個三十幾週點樣整番出黎, 同埋有咩歌係冠軍歌!
    因為排行榜真係反映到邊d歌起你心目中係一首真正的冠軍歌!

    回覆刪除
  2. 好呀!!支持CC music chart呀!
    多d新既元素,,令呢個blog有一番新氣象=]

    回覆刪除
  3. 我也很期待那三十幾週冠軍是甚麼。
    不過,其實你話係你喜好,
    Over The Rainbow會唔會已經連續八星期冠軍左?

    回覆刪除
  4. 睇左呢個 blog 都好耐,呢個新 chart 學你話齋,絕對係俾到我參考作用話俾我知呢排有乜新歌,支持 =)

    哈哈...你令我諗番起我曾經都整過一個排行榜,個個星期update,仲整埋年尾頒獎禮添...一整就整左四,五年,直到因為考 a-level 而沒有再整落去...不過頒獎禮就依然 keep 住直到而家 :p

    回覆刪除
  5. to Riverfish
    同你一樣啊,呢個blog我定期都會睇,的確俾到我參考作用

    我都有自己嘅流行榜架,今年18周建立啦,同博主一樣,之前嘅18周都系用「神奇修復術」追溯而成,呵呵

    睇嚟Over The Rainbow真系博主嘅至尊歌喔,已經兩星期冠軍,我個榜果度就冇咁犀利,不過都上榜9個星期,逼近年終10大啦,估計下星期會上冠軍位置(偷笑中),我都好鍾意呢首歌

    回覆刪除
  6. 想問一上其實係點樣自製排行榜架?
    係咪有一d軟件架?

    回覆刪除
  7. 哈哈!原來好多人心中都有個榜, 我初中都有mark低心頭好, 一樣有年終頒獎禮,仲自制十大金曲卡式帶(80年代)...今期超愛囍帖街, 可否加加分呀!?

    回覆刪除
  8. 哈,原來咁多人都有自製流行榜,都幾有趣。但如果個榜100%取決於個人喜好,會唔會個個星期差唔多?因為當你鍾意一首歌,無論十星期、廿星期後你都會鍾意,咁咪永遠唔駛落榜?

    回覆刪除
  9. 35週何時公報?
    同埋你話劍龍都有糖不甩的質素, 但係無得下榜尾ge? X)

    回覆刪除
  10. ha...網主極愛over the ringbow呢...
    說真的, 這也是at17出道至今我覺得最好聽的一首...

    我自己都有整榜架...我個人既做法係base on 大約50%個人喜好, 50%四台排名

    回覆刪除
  11. 我都想自製流行榜呀...
    "神奇修復術"係咩黎架???
    有冇人可以教下我點整呀?

    回覆刪除