星期日, 1月 13, 2008

零八年一月,新歌簡評(一)

TVB頒獎禮,今年要不是有庾澄慶,我真係睇佢老鼠。簡短點評:
一、 林峰在TVB拿男新人金獎是合情合理,論唱歌他毫不遜色,在電視迷中也是人氣高企,主場唔撐難道寄望商台頒給他嗎?
二、 張雨綺和吳雨霏的混合體是怎樣的呢?問曾志偉吧。會不會是「逼得星爺太緊」?
三、 唱片公司一姐的言行是會傳染的,繼洪卓立在叱咤之後,泳兒《無心戀唱》唱完多謝曲詞編監,又忘了他們是誰了吧?
四、 何韻詩:「原來我喺呢度關係都唔差」,一串港台待薄(越講越顯得小器),二串TVB領獎靠關係(雖然此乃人所共知)。請慎言。
五、 撇除歌唱實力,Twins拿「亞太區最受歡迎香港女歌星」始終比祖兒或千嬅更有說服力。不過,Twins的眼淚…太過收放自如了吧?
六、 在那裡,受了委屈而表現風度和修養是最快累積民望的方法。王菀之,今年你有運行了。
七、 最後,at17和農夫在這裡沒有獎是一件好事。
八、 最最後,Recall去年所講,容祖兒就算再拿「最受歡迎女歌星」,地位和一屆都沒有得過的林憶蓮比較還是微不足道。要做人人心服口服的一姐總得拿點功夫出來,建議她試試在演唱會唱一次《鍾無艷》。

莫文蔚《其實我一直都想對你說》:
莫文蔚的新國語專輯外間評價很高,我聽了《日場夜場》覺得平平,但聽了這首歌,對她的專輯興趣大了很多。好感來得很簡單:非常平靜,令人非常舒服。有時愛情應該就是這樣吧。

劉美君《大開色界》:
Jerald一手炮製劉美君復出之作,巧合的是原來Jerald的父親陳永良就是劉美君早年的唱片監製。劉美君秉承以往的大膽作風,音樂上要「型」對Jerald來說一點難度也沒有。美中不足的是,音調似乎太高了一點,雖然可能是要做出類似「床上的聲音」的效果,但始終令人聽得有點神經緊張。林海峰的男聲充其量也等同於《將冰山劈開》的許志安,沒有甚麼驚喜。

梁靜茹《崇拜》:
聽了梁靜茹唱了四句就已經知道肯定會愛上這首歌。簡單而搶耳的旋律,加上梁靜茹柔情似水的演繹已經叫人動心;編曲在沒有幾多花巧之下,卻能在每一個細節都觸發淡淡的感動。一首非常上乘的流行作品。
原來這首歌同時是韓劇《黃真依》台灣地區主題曲和電影《最遙遠的距離》(桂綸鎂主演那齣)的宣傳歌,應該有不少人會在看著銀幕的時候有點眼泛淚光吧?

鄭融《Me vs Me》:
如果側田是「男人KTV」,鄭融這些應該是「女子啦啦隊」了。主菜都是那些:自強、獨立、有個性、有主見;勁歌熱舞、舞動小蠻腰;聽得興奮,也來聞歌起舞。喜愛程度不及《大女仔》,但還是很不錯。見到鄭融越來越有自己風格,今日的樂壇快歌異常稀缺,希望她繼續努力。

23 則留言:

  1. TWINS得亞太女歌手但又同時攞組合金獎,相信全世界只有TVB至有咁令人R頭的安排!試下幫TWINS報名台灣"金曲獎"最佳女演唱人獎,人家肯定答"神經病"!!組合就是組合,女歌手就是女歌手!就是TVB這種不尊重樂壇不尊重歌手的態度,間接令香港樂壇沒落!!

    回覆刪除
  2. twins 可以是一個組合,或者2個女歌手. 這是個事實. 中國內地的人好多人都中意twins, 但是問他們知不知道 joey, 我想好少人會知道她是個香港歌手咯. 我只想看張生&王小姐唱歌.

    回覆刪除
  3. 其實我覺得林峰唱歌其實幾好..
    睇過佢幾次唱live都好隱定..
    但討論區d人講到佢一d都唔值拎金咁..
    一定要jason拎金佢地先開心...唉..

    回覆刪除
  4. 泳兒那件事應該是因為台下的工作人員不斷『畫圈圈』所致吧...

    回覆刪除
  5. 容祖兒聲線可能冇謝安琪咁特別,但紮實既唱功又點會唱唔到鍾無艷

    獨照、啜泣、心淡既live你聽過未?

    回覆刪除
  6. re:ss
    見到討論區都有好多post話twins係女歌手的說法,實在令人心寒!twins在台灣及大陸十分出名我同意,但twins係一個組合,以組合名義式出碟也是事實!如果是2個女歌手,就應該以蔡卓妍及鍾欣桐的名義候選!

    另外江若琳,裕美得女新人金、銀獎再次引證幫TVB拍嘢(旅遊特輯)有獎攞!

    回覆刪除
  7. Re stone:
    我同意你既講法,Twins踏過界攞女歌手點都講唔過去...
    勁歌真係愈來愈悶,成場係咁趕,d歌手被迫一輪嘴講晒d感受,又唱得半首歌,嗰三個司儀仲攞命,崔建邦不停講爛gag,曾志偉毫無music sense,全場串串貢,不過好在有Ivena同軒仔額外既"精彩表演",超搞笑~~佢地好襯呀!!

    回覆刪除
  8. 我覺得 女歌手獎比一個組合拎真係好過份,咁如果一隊有男有女既組合咁要點計? 男女歌手都拎哂? 跟本就應該歌手還歌手,組合還組合。

    p.s 我好記得祖兒對上一次05年好事多為演唱會將一拍兩散降key了,我好唔明白這是紮實既唱功?

    回覆刪除
  9. 始終還是覺得容小姐未到「最受歡迎」這個位。

    同意CHRUS的說法。
    想不到KELLY一不領獎個賽果就變成咁..
    唉, 只能嘆息現今樂壇青黃不接啦。
    要既有實力又能壓台的真是少又有少。

    回覆刪除
  10. 以我記得,無線一向都無最受歡迎組合,twins每年都係撥入女歌手侯選之列...

    其實既然無女歌手實至名歸,索性唔頒算了

    林峰一直我都好支持, 歌好聽, 佢唱得都好好聽, 而家只係因為佢係無線人, 拎無線既獎就係咁踩佢台, 我覺得好慘, 而調返轉諗, 如果自己台都唔頒俾佢支持下, 唔通真係等903頒俾佢? 網主講得好o岩!

    同樣, ivana同張敬軒o係呢件事後應該會帶俾佢地好正面既影響 - 唔少朋友都同我講佢地既臨場反應睇得好舒服, 越發鐘意佢地!

    相反o個個新一代主持接班人事發/事後既表現真係只有4個字形容 - 不知所謂.

    回覆刪除
  11. 我想睇張太跳唱逃多d wor...14/1/2008 下午3:50

    我覺得好多人將'最受歡迎'同'最不受歡迎'劃上等號....
    個人認為過去5年,容小姐的確符合這年代'最受歡迎'的標準.如果係都要劃時代去比,我相信不單是容小姐,楊小姐,何小姐,也比不上林天后.至於張太,距離林天后更加是十萬百千里遠!
    每人心中一定有自己認為是天后的天后.我相信容小姐依然是不少人心中的天后.我不明白為什麼會有'不如叫容小姐唱鐘無艷'呢d論調.有本事的,不是去唱好別人的歌,而是做一隻類似'我的驕傲'的個人代表作.
    樓上有人說當年一拍兩散降key唱,咁0岩0岩有2個頒獎禮,joey又唱又跳逃,又算甚麼?唔鐘意人地,可以連人地邊年邊月邊日犯過邊一種錯都倒背如流,不過都係聽歌je,唔0岩聽咪唔好聽lor,仲咩要記住呢d野,隔3,5,7日提一次,令自己勞氣先...
    容小姐可能不得網友心,但如果她真的不受歡迎,為甚麼還有那麼多廣告商支持?即使盛傳唱片公司勁壓價,廣告商斷估都唔會搵人倒自己米架je?個artist真係咁不受歡迎,免費都係咁話啦下話?
    撇除組合因素,個人認為今年twins得亞太獎,甚至比kelly更合理.twins係冇唱功,但偏偏就係佢,成為香港最新一個(touch wood,可能是最後一個)歌唱單位,成功開拓海外市場.今時今日,有唱功,但只/只能在hk發展(甚或只在903象牙塔沾沾自喜),對積弱的hk樂壇,是沒有好處的.

    回覆刪除
  12. 本人認為裕美可以奪得女新人獎是最令人不敢相信的。坦白的說,任何一個女新人都比她更受歡迎。

    回覆刪除
  13. 1. 英皇歌手近來好鍾意o係自己show翻唱其他歌手近期hit歌,泳兒唱過浮誇、電燈膽、講不出聲,Joey唱過手望,等等。
    2. 謝小姐Live唱鍾無艷幾乎冇邊次唱得好,容小姐如果真係演唱會唱下,得就係樂壇一姐show quali,唔得...都冇乜損失。
    3. 從來冇質疑過Twins亞洲受歡迎程度和拿那個獎的資格,就算Kelly在。

    不過因為人家在出面紅多人識就要隨波逐流俾獎佢,而長期忽視有實力但冇勢力的歌手,甚至嘲笑有心支持他們的傳媒,對樂壇更加沒有好處。

    岔開少少,我從來覺得頒獎禮不應該有任何「最受歡迎」獎項,音樂頒獎禮應該是挑選最有質素的人和歌作嘉許,才能夠提升整個行業的水準。「受歡迎」得到的應該是銷量和收入,而不是獎項。

    回覆刪除
  14. 非常認同板主係留言講到:
    「音樂頒獎禮應該是挑選最有質素的人和歌作嘉許,才能夠提升整個行業的水準。「受歡迎」得到的應該是銷量和收入,而不是獎項。」
    大家睇下電影頒獎禮,主要都係頒俾個年有質素的電影或者演得好的演員,不論係大製作定係小製作,無論票房好唔好,只要係好戲,都總有機會係頒獎禮攞獎而家樂壇頒獎禮完全得唔到肯定,係因為獎項完全反映唔到歌手的實力同埋歌曲的質素。
    無可否認,twins係亞洲好紅,但我相信冇人會唔認同twins係歌唱的實力係真係非常之低,如果係現今樂壇,只有一個實力如此差的單位先有資格叫係亞洲受歡迎,我諗呢個係我地香港樂壇的悲哀。

    回覆刪除
  15. I totally agree with you that 連帶關係 is really awful!
    They are completely "towed" by the rythum and lyrics, and expose to us all their weak points!

    回覆刪除
  16. Wow...didn't expect u to comment on 梁靜茹《崇拜》.

    Didn't think singers like 梁靜茹 is your cup of tea either.


    《崇拜》was my favourite album in 2007.

    回覆刪除
  17. 關於勁歌頒獎禮, 極之同意你的第1,4&5點.
    林峰現場演繹時歌藝的確不差, 有外貌有聲底, 得獎合理, 唔知點解咁多人話造馬.
    何韻詩如果要令人相信自己是一個有性格有堅持有態度的專業歌手, 拜託就不要老是說些酸溜溜不忿氣冇獎的說話了.
    twins得亞太女歌星獎, 姑勿論由組合變女歌手是否合理, 但總算令人鬆一口氣, 幾驚得主是容楊二位之一!

    回覆刪除
  18. 崇拜基本上是2007年最好聽的大碟
    12首歌有12首歌的風格
    有梁靜茹個人最拿手的情歌戀愛甜蜜悲傷的感覺
    亦有作出了個人嗓音上的突破例如一秒的天堂是很少會聽到梁靜茹這樣唱的
    我每次來到都很期望
    你這我認為是懂得欣賞音樂的人會介紹這隻大碟予香港人
    奈何我在2007年一次又一次的失望
    終於2008年看到了崇拜

    回覆刪除
  19. surprise,u actually commented about 梁靜茹《崇拜》until now i still dun get it.why always joey or twins got prize?still got others wat..shld give
    kay tse or someone else!so stingy.

    回覆刪除
  20. 很同意你的說法...
    特別是第8點...
    容小姐不論拿多少屆, 也不會及一屆都拿不到的Sandy Lam...
    公道自在民心...
    她有多受歡迎? 十個網友, 九個憎她...
    唱功好? 好的話心病, 一拍兩散等都不用降key...

    回覆刪除
  21. 十分同意網主以下看法
    岔開少少,我從來覺得頒獎禮不應該有任何「最受歡迎」獎項,音樂頒獎禮應該是挑選最有質素的人和歌作嘉許,才能夠提升整個行業的水準。「受歡迎」得到的應該是銷量和收入,而不是獎項。
    但為什麼網主不在農夫贏得我最喜愛既組合時就作出以上言論,而要在Twins贏得亞太區最受歡迎女歌星後提出呢?

    另外最受歡迎女歌星方面
    只可以說這獎項應屬於該年表現最好的女歌手
    相信暫時未有傳媒有性格得說"今年歌手水平太低,故本獎項今年懸空"
    至於樓上說的降key問題
    我只可以說李克勤唱只想你會意時亦有降key
    但其唱功應不用懷疑吧?

    回覆刪除
  22. Blog主~你有冇聽過祖兒0係演唱會唱0既mad about you呢??!我覺得呢隻歌難唱過鍾無艷好多喎~~~

    回覆刪除
  23. 我想信筆者沒有去看容祖兒的演唱會,才會這出這句話。
    http://www.youtube.com/watch?v=veahUdIr32A&feature=user

    這裡有條link自己去看。
    為何你不說不如叫阿Kay又跳又唱給我看?

    回覆刪除