零六年十二月,新歌簡評(一)

先來更新叱吒形勢,一到十二月903播放率又出現反常現象,側田《頭條新聞》甫派台即惹抄歌疑雲,結果是商台無端端拿出九個月前的《情永落》翻炒,首歌好聽是一回事,但此舉除了為協助側田獲取男歌手銅獎之外找不到其他解釋,始終側田如果沒有男銅的話應該會捧蛋。但是當李克勤和楊千嬅都面臨食白果的時候,有哪個不可以食白果呢?
《畫意》所面對的遭遇我只能嘆息,不知是否跟王菀之約滿有關,總之十年難得一遇的好歌就此被遭蹋掉,令人意難平。雖然《(巴黎沒有)摩天輪》接力熱播大大提高王菀之得唱作人的機會,但我寧願讓《畫意》入十大而沒有唱作人好過。況且估計現時走勢唱作人是「同軒之」三甲,即是張繼聰吃蛋,又不免可惜。可以預計的結果是張敬軒《笑忘書》入十大,「同之聰」唱作人,側田男銅那就皆大歡喜,至於是否計得這麼準人人有獎,那就只有903才知道。
男歌手金獎之爭《富士山下》熱播之下陳奕迅該是十拿九穩,聽卓韻芝數榜的口風就更加肯定,而且古巨基怎計都至少有五個獎(至尊歌、至尊唱片、四台大碟、男銀、我最喜愛歌曲)做梗「大贏家」,基迷們也該知足了吧。女歌手方面何韻詩新歌《嘆息橋》表現疲弱,但容祖兒遲遲未有新派台歌,其實除非商台存心靠害,否則阿詩的女金還是贏定。女銅落入衛蘭手中的機會越來越大,情況和側田也相似,拿不到就無獎可拿,而薛凱琪至少還有《小峽谷之1234》的十大,況且今年衛蘭應該是幫商台做最多function的歌手(Moto、饑饉、拉闊、「衛蘭王」、麥當勞),結合唱片銷量和民意看來也只好當勤工獎豪俾佢了。
製造賽果的日子903沒有甚麼好聽,對好歌沒有好報我還是相當介懷,所以還是會罷聽直至《桃紅結他》落榜為止。

側田《頭條新聞》:
一面世即被指抄歌,一抄七十年代經典組合Stylistics的《You Make Me Feel Brand New》,二抄趙學而《尋開心》,前段「習慣了放縱轉眼沉睡,但看過頭條怎再睡」和Stylistics那首根本完全一樣,足足兩句巧合的機會也很微;至於趙學而那首並不似,那首歌當時其實頗有名,要聽出分別應該不難。當是後知後覺又好,「唔好彩」都好側田最好都應該俾返credit那首英文歌的作者,但看他事後的反應,似乎又有不少人要失望了。
就算撇除一切抄襲指控,論歌本身也是沉悶無新意,至少沒有再聽的興趣。其實側田今年作給別人的歌如《有過去的女人》《想入非非》《面紅》仍能保持高水準,為何一到自己歌的時候卻顯得江郎才盡?

黃貫中《彩色世界》:
原本想在十一月時談這首歌,後來決定聽久一點才講吧,怎知到了十二月聽多了不知幾多次之後,對這首歌還是沒有甚麼印象,看來這次該是失手了。

鄺祖德《矜貴》:
挾著陳秋霞姪兒的身分勇闖樂壇,見他唱live也算有點功架,不過聲音真的聽不出和鄧健泓有甚麼分別。這一首派台歌聽過幾次也是平平無奇留不下印象,至少論驚喜也比不上在填詞人一欄見到「向雪懷」這個久違了的名字。

何韻詩《嘆息橋》:
很吸引的前奏,開頭的幾下「woo…woo…」也能把氣氛帶出來,感覺頗為浪漫,整體上阿詩唱得不過不失,不過聽來好像有點平淡,我想是音樂上缺少了一下有力的推進,如果在最後一段前能做一個較grand的氣氛會更好。

胡琳《綠野聲蹤》:
繼《自由像你》之後張繼聰和胡琳又一次合作,奇怪的是張繼聰一向有自己固定風格,但獨獨是為胡琳作的歌出來都是截然不同的東西。幾容易令人入腦的作品,很快便會記得「I believe I believe…搖籃曲,一閃過便可…」這一段,其實論今年的歌來說整體上胡琳比泳兒衛詩都更要討好,論唱功也不比後二者差,或者是少了點話題性所以經常被忽略吧。

預告:十二月二十日「斥測樂壇零六總結」將會隆重登場,屆時將會選出個人全年心水歌曲及唱片,敬請留意。

留言

匿名說…
二十號我放工後一定睇>3<"
正呀)))))))

睇你序段已經覺得好正。
^^
Madison說…
完全唔明白胃爛有d咩咁值得支持
狂谷容祖兒已經好過份(佢今年完全無資格囉女歌手任何色既獎囉 佢只有資歷 但無資格)
唔頒比kay頒比fiona都算
雖然fiona無kay咁好
但表現都夠平均 糖不甩同1234都夠哂
同樣係出道第2年 點解唔比kay 要比 胃爛
要比1個大半年 真空期 唱live退步走哂音 歌曲沉悶既女歌手
903好明顯已經唔係再根據dj 喜好
乜都係睇$
真係好激氣
連畫意都ban咪
我都唔聽903喇以後
sum說…
你都幾有問題下嫁bo~!!

製造賽果的日子903沒有甚麼好聽,對好歌沒有好報我還是相當介懷,所以還是會罷聽直至《桃紅結他》落榜為止。

你憎twins都唔使咁係咪ar!!
《桃紅結他》唔係好歌??i don,t think so!!it is just your opinion!!
903ban左好多twins既歌la喎~
你仲唔滿意ar!!??@@
唔係要twins既歌首首ban你先開心ar ma!?

你次次都踩twins你先開心嫁喎!!
我知你love at17,但係你都唔使咁下ma!!
Holf Yuen說…
我要幾時罷聽,我為甚麼要罷聽是我自由,我就是不喜歡903播太多Twins的歌,就是不喜歡她們拿金獎。況且我又不是在商台做,我聽不聽又不會影響他們播甚麼歌,不過電台播的歌不合心水,不聽是最合理的做法對不對?
有些TF就是霸道得乞人憎,人家彈一兩次,電台ban一兩隻歌就鬼殺咁嘈,讚的時候又看不到。
雖然我都覺得衛蘭歌悶,live差,唔應該有三甲,但又不要下下都話人錢作怪,始終《離家出走》都有很多人鍾意。俾著我係903DJ,我呢排一定會日日播《花無雪》,而出面人就一定會話我收左英皇錢...
曾經聽過別人說:”今年903的頒獎禮不用期待了,因為根本甚麼扮作公正的播放率都是假的。比起其他台的分豬肉,商台更不值得支持。畢竟真小人總好過偽君子呀!”

很感慨呢,聽到這番說話的時候。想起自己,曾幾何時對903充滿喜愛,對903趨之若鶩。真的不明白現在為甚麼會變成這樣。

上年,看到at17拿我最喜愛組合時,那種打破宿命的興奮,那種吐氣揚眉的開心明明還記得的,但今年好像一切都不同了。
匿名說…
其實對於叱吒, 早唔係當年心態. 仲有期待, 不過係見佢製作尚算認真, 又唔會將首歌cut到體無完膚.

講開古巨基, 個人對佢並無意見. 但覺得"human"呢隻碟並唔係外間同903捧得咁天上有地下無. 林夕在歌詞上係眼高手低, 古巨基演繹亦未見出色. 成日覺得佢靚聲係有, 但係唱歌就似首首一個tone.

至於女金方面, 反而唔敢咁肯定係hocc, 雖然應該唔係女金就會係"我最喜愛". 903應該唔會兩個俾晒hocc, 即使實際出來結果係. 但係亦相信唔會兩個都冇份, 上年大家有目共睹, 今年再咁樣, 場內暴動都似.
大家有留意英皇係有份贊助叱吒頒獎禮的嗎?
容小姐點可能會冇大奬?

側田嗎? 冇野好講. 倩永落事件係903公開地承認佢地o既"公開地不公正"

我忍唔住都要回一回阿sum:
你講笑呀?? 如果903 ban左好多孖妹歌, 佢地會咁多年都上到叱吒台嗎?? 對你o黎講, 最好應該係個個獎都有佢地份, 連女歌手佢地都拎埋好未? 鍾意at 17唔一定要憎twins. 我鍾意千嬅, 都可以鍾意阿詩下話? 好就係好, 唔好就係唔好. 佢地係好可愛, 但係唱歌真係唔該行開, 東華佢地首結他, dididada o個o的位簡直好似小朋友初學講野捉唔到個音一樣!!
Holf Yuen說…
其實間間唱片公司都有份贊助叱吒。
匿名說…
haha, 我都想話間間唱片公司都有份贊助ga lor.

我覺得sum就唔洗起晒gong geh,
聽歌好主觀. 鍾意就鍾意, 正如903支持某一堆歌手咁, 冇得解ga. twins都拎左3年金啦. 唔好話903係咪捧自己友. 我亦唔見得佢幫艾粒wor...講真以softhard今年geh氣勢, ban twins都好正常jeh.
twins係有進步, 但其他人都有架嘛, 如果有進步就攞金咁我覺得好多人都係人選, 亦都有好多so-called一線歌手要out.

今年講男金女金組合金領先geh eason, hocc, softhard都開左concert, 而且反應同口碑係成年之中最好果幾個. 證明佢地市場上重好有力度. 唔係金都會係我最喜愛.
joey plug左心花怒放, 而且903都有播, 但同時嘆息橋re-entry同埋plug左傷城秘密, 我相信如果903係因為唔想俾唱作人阿詩先ban嘆息橋咁傷城應該可以捱過年尾. 況且我見903都肯播傷城.
所以我諗hocc依然係金.
匿名說…
我知呀~~但係上次聽903個promote~~淨係提左英皇同環球~~所以我咁覺得囉