今年最佳歌詞擂台躉及其他

*有乜野可以相信　我唔想信　你要長進
終於知道只可以信自己
信奉神　信任人　信風水　信命理　
信定唔信任由你地

Repeat *

果晚同男朋友嗌完交 唔見咗銀包 入去差館落個(報告)
點知有幾個警察包抄 問我乜事乜事 我話係急事急事
但係呢啲小事最後轉介比警署入面其中一個CID
幾日後去High-tea 岩岩好放低筷子 佢打黎叫我快啲乖啲
過黎警署認領番個ID 仲借啲意岩岩好夠鐘放工 不如落去樓下個酒吧放一放鬆
我當時無為意六神無主　點會估到呢個便衣原來係一個騙子
加上隔離係警署有關二哥頂住　一杯兩杯猜下枚猜下枚終於不醒人事
到我醒返果時哎 我望見我既身體
啲衫褲係我隔離 個警察食緊煙仔
我係咪 要報警 我就係 去報警 所以結果攪到今日係差館衣衫不整
以前有警察保護市民今日有警察侵犯証人
到底邊一個敢對邊一個差人以後都咁信任　
當警察都唔可信試問

Repeat* x 2

我有個囡囡佢岩岩先十幾歲
佢有個先生咁岩同佢傾得兩嘴
果位老師都好似幾鍚佢
手機同波鞋都送咗幾對比佢
我問佢知唔知點解老師特別鍚你
佢話唔只鍚得閒仲會摸下佢大脾
週末假期上去老師屋企襟同一張被
老師好歡喜將佢搬起放一啲野入黎
我個女話唔鍾意亞Sir話佢只係中二
要尊重老師以後 Maths會高分啲啲
就係咁一次一次比佢教Bio
我個女最後終於比佢攪大咗
以前有老師教學生今日有老師攪學生
我點樣靠你班老師教岩一班女學生
當為人師表嘅人我都唔可以再信任咁試問

Repeat* x 2

#一朝你長大終於冇乜比你依賴
　驚埋邊位有朝將你出賣
　事實上大概都應該了解
　只得你一個你可以信賴

Repeat #
Repeat * x 2

-- 農夫《信不信由你》

毋須特別highlight一些精句，因為幾乎每一句都精警，描寫兩宗難以置信，卻又是真人真事，在香港發生的風化案，值得大家細心留意歌詞，更值得大家思考：在這一個荒謬的時代，還有甚麼可以相信？當一直認為可以信賴的，誠信一一破產，我們應該如何自處？

農夫最近推出的《O'Fama》專輯，幾首歌都覺得他們的批判性、幽默感和時代觸覺回來了。另一首值得推介的是講「假如人生只剩24小時」的《24》，rap得前所未有的沉重和出力。其實人生就算尚有24小時、24天甚至24年，始終它也是有限的。如何善用我們有限的人生，是無論任何一個人生階段都要反省的問題。

《Dream Girl》分version 6和version C，前者講找女友的困難，後者講拍拖之後的麻煩，兩首都有一個訊息：日呻夜呻，有沒有好好檢討自己？適合終日「港女」不離口的男士想一想。《眠眠》用懶洋洋的演繹點出香港人普遍睡眠不足的問題，也間接地道出香港人做事動力不足的問題。有精神夜晚玩又沒有精神白天做事，晚上睡眠被犧牲，到要返工才懂得珍惜，你是否這一類人？

長達10分鐘的《O'Fama》雖有多位名人客串，且包括農夫成軍前的故事，但心目中只當是bonus track。可能是前兩Plug《娛樂圈殺人事件》《I Believe You Can Fly》水平麻麻，所以對這張專輯期望不大，但聽了其餘幾首歌，都不乏一些質素比以前更好的作品。